Posted: 06/05/2012 01:37 PM IST

సిబిఐ వారికి సమయం ఆసన్నమవుతున్న సందర్భంలో.. త్వరగా .. జగన్ నుండి నిజాలు రాబట్టే పని వేగం వంత మైనట్లు తెలుస్తుంది. కేవలం రెండు రోజులు మాత్రమే ఉండటంతో  సిబిఐ వారు జగన్ పై విచారణ వేగం పెంచినట్లు సిబిఐ అధికారులు చెబుతున్నారు. విశ్వసనీయ సమాచారం ప్రకారం ఈనెల 8వ తేదీతో జగన్‌ సీబీఐ కస్టడీ ముగియబోతోంది. అయితే జగన్‌ను మరో నాలుగు రోజుల కస్టడీ కావాలని సీబీఐ మరోమారు కోర్టును అభ్యర్థించ నున్నది. కోర్టు అందుకు అంగీకరించినా అంగీకరించకపోయినా ఈనెల 12వ తేదీ జగన్‌ను తమ కస్డడీకి అప్పగించేలా ఆదేశించాలని కోరుతూ ఈడీ ఢిల్లీలోని ఆర్ధికనేరాల విచారణా కోర్టులో పిటీషన్‌ దాఖలు చేయబోతోందట. ఒకటి రెండు రోజుల్లో ఈ మేరకు ఈడీ అధికారులు ఢిల్లీకోర్టులో పిటీషన్‌ దాఖలు చేయబోతున్నారని సమాచారం. తద్వారా కోర్టునుంచి పిటి (ప్రిజనర్‌ ట్రాన్స్‌ఫర్‌ వారెంట్‌) జారీ చేయించుకుని చంచల్‌గూడా నుంచి జగన్‌ను ఢిల్లీ తరలిస్తారట. 12వ తేదీ అక్కడి కోర్టులో ప్రవేశపెట్టిన అనంతరం తమ కస్టడీ కి ఇవ్వాలని కోరుతారని అధికారులు అంటున్నారు. ఆ తరువాత జగన్‌ను విచారణ పూర్తయ్యేంత వరకూ తీహార్‌ జైలుకు తరలించే అవకాశాలు కనిపిస్తున్నాయాని రాజకీయ నాయకులు అంటున్నారు.  

హైదరాబాద్‌ ఎన్‌ఫోర్స్‌మెంట్‌ డైరక్టరేట్‌ (ఈడీ) విభాగం అధికారులు సీబీఐ అధికారులను కలసి జగన్‌ విషయంలో మరికొంత సమాచారం సేకరించడంతో పాటు జగన్‌కు కల్పించాల్సిన రక్షణ, భద్రతాపరంగా తీసుకోవలసిన జాగ్రత్తలపై కూడా సమాచారం సేకరించారని తెలుస్తుంది. దీంతో ఈడీ జగన్‌ను కస్టడీలోకి తీసుకోవడం ఖాయం అని నిర్దారణ అయినట్లు సిబిఐ అదికారలు అంటున్నారు. కాగా ఈడీకి సంబంధించిన కేసుల విచారణ కు హైదరాబాద్‌లో కూడా వెసులుబాటు ఉన్నప్పటికీ ఈడీ మాత్రం ఢిల్లీ కేంద్రంగానే విచారణకు మొగ్గుచూపుతోందట. తద్వారా భద్రతాపరమైన సమస్య లు కూడా చాలావరకూ తగ్గుతాయని ఆ విభాగం ఉన్నతాధికారులు యోచిస్తున్నారు.