Posted: 06/04/2012 03:34 PM IST

జగన్ కు కేంద్రంలో .. ఒక ఆయుధం లాంటి వ్యక్తి ఉన్నాడని గతంలో  కొంత మంది రాజకీయ నాయకులు అంటున్నారు.  కేంద్ర మంత్రి వీరప్పన్ మొయిలీ కొడుకు హాస్తం ఉన్నట్లు వార్తలు వస్తున్నాయి. గతంలో కూడా మొయిలీ  జగన్ పై ఎలాంటి విమర్శలు రాకుండా చాలా జాగ్రత్తగా వ్యవహరించినట్లు  కేంద్ర నాయకులు అంటున్నారు.  అందువలన  అధిష్టానం  వీరప్పను దూరంగా పెడుతున్నట్లు రాజకీయ నాయకులు అనుకుంటున్నారు.  గాలిజనార్ధన్‌ రెడ్డికి బెయిల్‌ రావడానికి పదిరోజుల ముందు నుంచి బెయిల్‌ వచ్చాకా నాలుగు రోజులు అంటే మే 16వ తేదీ వరకూ సదరు కేంద్రమంత్రి కుమారుడి నుంచి పట్టాభికి ప్రతీరోజూ నాలుగైదు పర్యాయాలు ఫోన్‌లు రావడంపై సీబీఐ దృష్టిపెట్టింది.  రాష్ట్ర వ్యాప్తంగా తీవ్ర సంచలనం సృష్టిస్తున్న బెయిల్‌ కుంభకోణం రోజుకో మలుపు తిరుగుతోంది.

 ఈ వ్యవహారంలో గతంలో వైయస్‌ ముఖ్యమంత్రిగా ఉండగా ఆయన కు అత్యంత సన్నిహితుడుగా మెలిగిన కేంద్రమంత్రి కుమారుడి ప్రమేయం కూడా ఉందని సీబీఐ అనుమానిస్తోంది. ఈ వ్యవహారం వెలుగులోకి వచ్చాకా సీబీఐ కోర్టు రెండవ అదనపు న్యాయమూర్తి పట్టాభిరామారావు వ్యక్తిగత సెల్‌ఫోన్‌కు వచ్చిన కాల్‌ లిస్ట్‌ సేకరించిన సీబీఐకి అందులో కేంద్రమంత్రి కుమారుడి ఫోన్‌ కాల్స్‌ గుర్తించింది.  అంతేకాకుండా సదరు మంత్రి కుమారుడి ఫోన్‌ నుంచి హైదరాబాద్‌లోని మరో వ్యక్తికి, ఈ వ్యవహారంలో మధ్యవర్తిగా వ్యవహరించిన మాజీ న్యాయమూర్తి చలపతిరావుకు కూడా ఫోన్‌లు వెళ్ళడంతో ఈ వ్యవహారంలో అతడిపాత్రకూడా ఉండిఉండవచ్చుఅని సీబీఐ అనుమానిస్తోంది.

కాగా ఈ కేసులో సీబీఐ అందజేసిన ప్రాధమిక నివేదికను హైకోర్టు విజిలెన్స్‌ విభాగం రిజిస్ట్రార్‌ పరిశీలిస్తున్నారు. నివేదికలోని అంశాలు, సీబీఐ అందజేసిన ప్రాధమిక సాక్ష్యాధారాలను పరిశీలించిన మీదట ఆయన హైకోర్టు ప్రధాన న్యాయమూర్తికి నివేదిక సమర్పిస్తారు.  అనంతరం కోర్టు ఆదేశాలమేరకు తదుపరి చర్యలు ఉంటాయి. కాగా ఈ కేసులో గతంలో గాలిజనార్ధన్‌ రెడ్డికి చెందిన సంస్థలో పిఆర్‌ఓగా పనిచే సిన ఒక జర్నలిస్ట్‌ ప్రమేయంపై కూడా సీబీఐ ఆరాతీస్తోంది. కాగా ఈ వ్యవహారంపై క్రిమినల్‌ కేసు నమోదు చేసి చర్యలు తీసుకునే బాధ్యతను అవినీతి నిరోధక శాఖకు అప్పగించే అవకాశాలు కనిపిస్తున్నాయి. ముఖ్యంగా రాష్ట్ర ప్రభుత్వ పరిధిలో పనిచేసే హైకోర్టు ఉద్యోగులు, న్యాయమూర్తులను సీబీఐ నేరుగా విచారించే అవకాశం లేదు. అందుకోసం అటు ప్రభుత్వం అయినా లేఖరాయాలి, లేదా హైకోర్టు అయినా ప్రత్యేకంగా ఆదేశాలు జారీ చేయాలి.  అలా కాని పక్షంలో ఈ కేసును రాష్ట్రానికి చెందిన అవినీతి నిరోధఖ శాఖతో దర్యాప్తు చేయించాల్సి ఉంటుంది. అయితే ఇందులో నిందితుడుగా ఉన్న పట్టాభిరామారావు గతంలో ఏసీబీ కోర్టుల న్యాయమూర్తిగా పనిచేసినందున ఆ విషయంపై హైకోర్టు అధికారులు కూడా ఆలోచిస్తున్నట్లుగా తెలిసింది. ఈ కేసుకు సంబంధించి హైకోర్టునుంచి అధికారికంగా ఉత్తర్వులు వెలువడే అవకాశం