Posted: 05/23/2012 07:50 PM IST

మా అమ్మ ప్రతి విషయంలో నన్నెంతో ప్రోత్సహించింది. చివరకు డబ్బును ఇన్వెస్ట్ చేయడంలో కూడా మా అమ్మే నాకు ఆదర్శం. సినిమాల్లోకి రావడం గొప్పకాదు. తద్వారా సంపాదించిన ధనాన్నీ, అభిమాన ధనాన్నీ కాపాడుకోవడమే నా దృష్టిలో గొప్ప’’ అంటున్నారు చెన్నయ్ చందమామ సమంత.డబ్బు సంపాదించడం కష్టం కాదు. దాన్ని సరైన పద్ధతిలో పొదుపు చేయడం కష్టం అని చెబుతూ ఉంటుంది అమ్మ. సినీరంగంలో టాప్ స్టార్లుగా హవా సాగించిన చాలామంది చివరి ఘడియల్లో చాలా దారుణమైన జీవితాన్ని అనుభవించారు.

అలాంటివాళ్లతో నాకు పరిచయం లేకపోయినా వారి చరిత్రలను చదివి తెలుసుకున్నాను. అందుకే డబ్బు విషయంలో నేను చాలా జాగ్రత్తగా ఉంటున్నా.నేనే కాదు... ప్రస్తుతం నా తరం హీరోయిన్లందరూ డబ్బు విషయంలో జాగ్రత్తపరులే. ఒక్క సినీరంగంలోని వాళ్లకే కాదు... ప్రతి ఒక్కరికీ ఈ విషయంలో చైతన్యం అవసరం. డబ్బు ఏ విధంగా పొదుపు చేస్తే... అది త్వరగా రెట్టింపు అవుతుందో తెలుసుకోవాలి. అప్పుడే మనతో పాటు మన తర్వాత తరం వారికి కూడా భరోసా ఇవ్వగలం అంటూ సుదీర్ఘంగా చెప్పారు సమంత.