Posted: 05/12/2012 06:30 PM IST

 ఇటీవల రాఖీ సావంత్  అందరితో ఇలా అంటుందట.  ద డర్టీ పిక్చర్ ని  బెంగాలీలో   రాఖీ సావంత్ చేస్తున్న విషయం తెలిసిందే. అయితే విద్య బలన్ కంటే  మెరుగైన నటనను కనబరుస్తానని  ప్రకటనలు చేస్తుంది. అదే విషయం విద్యను అడిగితే..  నాకు తెలిసి ఆ సినిమా కోసం  చాలా కష్టపడ్డాను, నా శక్తివంచన లేకుండా పనిచేశాను.  అంతకంటే గొప్పగా  రాఖీ  నటించగలిగితే  మంచిదే కదా . నేను  కూడా ఆ సినిమాను  చూసేందుకు  ఆసక్తిగా  ఎదురు చూస్తున్నాని  విద్యాబాలన్  అంటుంది.  బాలీవుడ్ లో వరుస చిత్రాలు చేస్తూ వస్తోన్న విద్యాబాలన్ కి, 'డర్టీ పిక్చర్' విజయం అనూహ్యమైన స్థాయిలో పేరు ప్రతిష్టలని తెచ్చిపెట్టింది. ఆ తరువాత వచ్చిన 'కహాని' చిత్రం కూడా ఆమె దక్కించుకున్న అగ్రస్థానానికి అండగా నిలిచింది. కథానాయికగా ఆమె తిరుగులేని కెరియర్నికొనసాగిస్తోన్న నేపథ్యంలో, ఆమె పెళ్లి గురించిన ఓ వార్త బాలీవుడ్ లో షికారు చేస్తోంది. UTV హెడ్ సిద్ధార్థ్ రాయ్ కపూర్ ని ఆమె ప్రేమిస్తోందనీ ... వాళ్లిద్దరూ పెళ్లి కూడా చేసుకున్నారనేది ఆ వార్త సారాంశం. అయితే ఆ మధ్య పత్రికల వాళ్లు ఆమె దగ్గర ఈ విషయాన్ని ప్రస్తావిస్తే, అలాంటిదేమీ లేదంటూ కస్సు బుస్సులాడింది.

  ఈ విషయంలో ఇప్పుడామె కాస్త మెత్తబడినట్లు తెలుస్తోంది. ఇలాంటి విషయాలని ఎక్కువ కాలం దాచడం కష్టమనుకుందో ఏమో, చల్లగా ఆమె అసలు సంగతిని వెల్లడించింది. తాను సిద్ధార్థ్ రాయ్ ని ప్రేమించిన సంగతి నిజమేననీ ... అయితే తామింకా పెళ్లి చేసుకోలేదని ఆమె చెప్పింది. ప్రస్తుతం అతనితో తాను డేటింగ్ చేస్తున్నాననీ ... పెళ్లి గురించి తొందర లేదనీ, తనకున్న కమిట్ మెంట్స్ పూర్తయ్యాక పెళ్లి గురించి ఆలోచిస్తాననీ అంటోంది.