Posted: 05/07/2012 07:22 PM IST

ఈ ఎస్ఎంఎస్‌లు నందమూరి కుటుంబానికి చెందిన మరో హీరో బాలకృష్ణ ఫ్యాన్స్‌ ఇస్తున్నట్టు ఫిల్మ్ నగర్‌లో పుకార్లు రాజ్యమేలుతున్నాయి. జూనియర్ ఎన్టీఆర్ హీరోగా నటించి విడుదలైన తాజా చిత్రం 'దమ్ము'. ఈ చిత్రాన్ని చూడరాదంటూ ఓ వర్గం విస్తృతంగా ఎస్ఎంఎస్‌ల రూపంలో ప్రచారం చేస్తోంది. రాష్ట్రంలో విస్తృతంగా ఎస్ఎంఎస్‌ల ప్రచారం జోరుగా సాగుతోంది. ఉప ఎన్నికల్లో పోటీ చేస్తున్న అభ్యర్థులు తమకు ఓట్లు వేసి గెలిపించాలని మాత్రం కాదు సుమా. ఈ తరహా ప్రచారం ఈ చిత్రం విడుదలకు ముందు నుంచే సాగుతున్నప్పటికీ.. ఈ మధ్య కాలంలో ఎక్కువైనట్టు సమాచారం.

ఇది ఒక ప్రణాళిక ప్రకారం తెలుగుదేశం పార్టీ ప్రధాన కార్యాలయం నుంచి వెలువడినట్టు విశ్వసనీయ వర్గాల సమాచారం. పార్టీ శ్రేణులకే ఎక్కువగా మెసేజ్‌లు రావడంతో ఆ సినిమాను అభిమానులు చూడకపోవడం జరిగింది. రిలీజ్‌రోజే విజయాడలో సినిమాను అడ్డుకుంటున్నారని వంశీ వర్గాలు గొడవ చేసిన విషయం తెల్సిందే.ఈ తతంగాన్ని అంతా ఓ ఛానల్‌ భుజాన వేసుకుని ఇది కరెక్టా? కాదా? అంటూ చర్చకూడా పెట్టింది. పైపెచ్చు.. బాలకృష్ణకు, జూనియర్ ఎన్టీఆర్‌కు మధ్య విభేదాలు ఎందుకు వచ్చాయంటూ చర్చా కార్యక్రమంలో చర్చించారు. దీన్ని మరింతగా పెద్దది చేయడం బాగోదని మధ్యలోనే ఆ ఛానల్‌ ఆపేసింది. అయితే.. నందమూరి ఫ్యాన్స్‌ అంతా కలిసి కట్టుగా ఉన్నామని ఇటువంటి ఛీప్‌ట్రిక్‌ ప్లే చేయమని ఫ్యాన్స్‌ ప్రతిధి కోటేశ్వరరావు శనివారం హైదరాబాద్‌లో కొంతమందికి మెసేజ్‌లు పంపించారు. ఇదంతా చూస్తుంటే... ఎన్‌.టి.ఆర్‌ వివాహం చేసుకున్న తర్వాత చాలా మార్పు చెందాడనీ, ఆర్థికబలంతో ఉన్నాడనీ, దాంతో కాస్త పొగరుగా ప్రవర్తిస్తున్నాడని బాలయ్య ఫ్యాన్స్‌ బహిరంగంగానే విమర్శలు గుప్పిస్తున్నారు.