Posted: 05/04/2012 02:48 PM IST

తెలుగు ప్రేక్షకుల్ని అలరించిన బ్లాక్ బ్యూటీ ప్రియమణి ప్రస్తుతం టాలీవుడ్ లో కనిపించక పోవడం ఆశ్చర్యమే. కొంత కాలం క్రితం వరకు ఇటు గ్లామర్, అటు నటనతో తెలుగులో చివరి హిట్ సినిమా నాగార్జునతో చేసిన 'రగడ' ఇందులో అనుష్క ప్రధాన హీరోయిన్ గా నటిస్తే, ప్రియమణి సెకండ్ హీరోయిన్ పాత్రతో సరిపెట్టుకుంది. అంతకంటే ముందు ఆమె సోలో హీరోయిన్ గా గోపీచంద్ సరసన చేసిన 'గోలీమార్' ఓ మోస్తరుగా ఆడింది.

అంతే. అంతకు మించి ఆమెకు సరైన సినిమా లేదు.సుమంత్ సరసన చేసిన 'రాజ్', జగపతిబాబు, శ్యాం సరసన చేసిన 'క్షేత్రం' డిజాస్టర్స్ కావడంతో ఆమెతో సినిమాలు చేయడానికి పెద్ద హీరోలెవరూ ఆసక్తి ప్రదర్శించడం లేదు. నితిన్ సరసన చేసిన 'ద్రోణ'లో బికినీతో అందలన్నీ ఆరబోసినప్పటికీ, ఆ సినిమా ఫ్లాపవడంతో ఆమె శ్రమంతా వృథా అయిపోయింది. ప్రస్తుతం కన్నడ, మలయాళ సినిమాలు చేస్తున్న ఆమె ఎంతో ఆశతో తెలుగు అవకాశాల కోసం ఎదురు చూస్తోంది.‘‘నచ్చితే ఎంత త్వరగా అందాలానికి ఎక్కిస్తారో, నచ్చకపోతే... అంత త్వరగా అధఃపాతాళానికి తొక్కేస్తారు. అది ప్రేక్షకుల తీరు. అయితే... ఇందులో వాళ్లను తప్పుపడటానికి లేదు. మేం ఎంచుకునే పాత్రలను బట్టే వారి ఆదరాభిమానాలు ఉంటాయి’’ అంటున్నారు అందాలభామ ప్రియమణి.

‘‘నేను ఓ విధంగా అదృష్టవంతురాలిని. సౌత్‌లో అన్ని భాషల్లోనూ విరివిగా సినిమాలు చేశాను. అన్ని భాషలవారి అభిమానాన్నీ పొందాను. బాలీవుడ్‌లో కూడా నటించాను. నేషనల్ అవార్డు దక్కించుకున్నాను. మణిరత్నం, రామ్‌గోపాల్‌వర్మ లాంటి లెజెండ్ల దర్శకత్వంలో నటించాను. చాలా మంది కథానాయికలకు దక్కని అవకాశాలివి. నాకు దక్కాయి. ఇప్పటికీ బిజీగానే ఉన్నాను. కానీ పాత్రలు ఎంచుకునే విషయంలో కాస్త తడబడుతున్న మాట నిజం. ఆ తడబాటే నా కెరీర్‌పై ప్రభావం చూపించింది’’ అన్నారు ప్రియమణి. మరికొన్ని విషయాలను చెబుతూ -‘‘తెలుగులో సినిమాలు తగ్గాయని చాలామంది అంటున్నారు. అది వారి అపోహ మాత్రమే. నిజానికి తెలుగులోనే నాకు సినిమాలు ఉన్నాయి. అయితే అవన్నీ చర్చల దశలోనే ఉన్నాయి. త్వరలోనే సెట్స్‌కి వెళతాయి. ’’ అని తెలిపారు ప్రియమణి.