Posted: 05/02/2012 09:22 PM IST

ఓడలు బండ్లు – బండ్లు ఓడలు అవుతాయానే సామెత మనం విని ఉంటాము. కానీ బహుశా ఇప్పుడు చూసి ఉండరు. కానీ లిక్కర్ కింగ్ విజయ్ మాల్యా పరిస్థితి పై సామెతకు కరెక్టుగా సరిపోతుంది. విషయం ఏంటంటే... విలాసాలకు అలవాటు పడి విచ్చలవిడిగా ఖర్చుపెట్టి అప్పుల పాలైన ఆయన తన విమానయాన సంస్థ కింగ్ ఫిషర్‌ను కష్టాల్లోంచి గట్టెక్కించే ప్రయత్నాల్లో ఉన్న విజయ్ మాల్యా గ్రూప్ సంస్ధ యూబి హోల్డింగ్స్ లిమిటెడ్ బెంగళూరులో ప్రతిష్ఠాత్మకంగా నిర్మించిన యూబి సిటీలో ఉన్న కింగ్ ఫిషర్ సంస్థ ప్రధాన కార్యాలయం యూబి టవర్స్‌ను విక్రయించే యోచనలో ఉన్నట్టు తెలిసింది. దీనికి సంబంధించి విదేశీ పిఇ సంస్థలు బ్లాక్ స్టోన్, కెకెఆర్‌తో చర్చలు జరిపినట్టుగా తెలిసింది. దాదాపు 650 కోట్ల రూపాయలకు డీల్ కుదిరే అవకాశం ఉందని అంటున్నారు.

సేల్ అండ్ లీజ్ బ్యాక్ పద్ధతిలో విక్రయానికి చర్చలు జరుగుతున్నట్టుగా చెబుతున్నారు. అంటే యూబి టవర్స్‌ను విక్రయించిన తర్వాత కూడా యూబి గ్రూప్ కంపెనీల కార్యాలయాలను టవర్స్ నుంచి మార్చాల్సిన అవసరం ఉండదు. లీజుపై మళ్లీ టవర్స్‌ను యూబి గ్రూపే తీసుకుంటుంది. 123 మీటర్ల ఎత్తైన యూబి టవర్స్ బెంగుళూర్‌లో అత్యంత ఎత్తైన భవనం. యూబీ గ్రూప్‌నకు సంబంధించిన అన్ని కార్యాలయాలు ఈ టవర్స్‌ లోనే ఉన్నాయి.