Posted: 04/12/2012 06:00 PM IST

ఈ మధ్య కాలంలో సినిమా హీరోల మీద, హీరోయిన్ల, కామెడీ హీరోల మీద మార్ఫింగ్ మాయగాళ్ళు తన ప్రతాపాన్ని చూపిస్తున్నారు. టాలీవుడ్ అగ్ర హీరోలు అయిన బాలక్రిష్ణ, చిరంజీవి లాంటి వాళ్ళు కూడా మార్ఫింగ్ మాయగాళ్ళ మార్పింగ్ కి బలయిన వాళ్ళే. ఆమధ్యన బాలయ్య ‘ఐ హేట్ బాలయ్య’ అనే ఓ వెబ్ పెట్టి మరీ మార్పింగ్ ఫోటోలు నెట్ లోకి వదిలారు. దీంతో రాడంతో ఆగ్రహించిన అతను పోలీసులకు ఫిర్యాదు చేయడంతో పోలీసులు ఆ వెబ్ సైట్ ని బ్యాన్ చేశారు. ఆ తరువాత నుండి టాలీవుడ్ అగ్ర కామెడీ యాక్టర్ నవ్వుల డాన్ బ్రహ్మానందం పై పడ్డారు మార్పింగ్ మాయగాళ్ళు.

అగ్ర హీరోలు తీసే సినిమా పోస్టర్లకు పేర్లు మారుస్తూ బ్రహ్మానందం ఫోటోనుపెట్టి సోషల్ నెట్ వర్కింగ్ సైట్లలో హల్ చల్ చేస్తున్నారు. గతంలో బ్రహ్మానందాన్ని టాలీవుడ్ నవ్వుల డాన్ బ్రహ్మానందం ఫోటో రకరకాల గెటప్‌లలో నెట్‌లో హల్ చల్ చేస్తున్న సంగతి తెలిసిందే. కొందరు నెట్ మాయగాళ్లు బ్రహ్మీ ఫోటోను పలువురు అగ్రహీరోల కొత్త సినిమా పోస్టర్లకు మార్ఫింగ్ చేసి వాటిని సోషల్ నెట్వర్కింగ్ సైట్లలో వదులుతూ హల్ చల్ చేస్తున్నారు. బాబు దూకుడును గోకుడుగా, వెంకటేష్ బాడీగార్డును హోంగార్డుగా, షారూఖ్ ఖాన్ రా.వన్ ని జీ.వన్ గా మార్చారు. తాజాగా జూ ఎన్టీఆర్ దమ్మును జఫ్పా డ్రమ్ముగా మార్చి నెటిజన్లకు నవ్వులు తెప్పించారు. ఇప్పుడు పవర్ స్టార్ హీరోగా వస్తున్న గబ్బర్ సింగ్ ని మార్ఫింగ్ చేసి.... ‘రబ్బర్ సింగ్’ గా మార్చి పోస్ట్ చేశారు.

అయితే దీని పై బ్రహ్మానందం ఫీలింగ్ ఎలా ఉన్నా, నెటిజన్లు మాత్రం బహ్మానందాన్ని మరో రూపంలో చూసి తెగ నవ్వుకుంటున్నారు.