Posted: 03/15/2012 04:23 PM IST

ఆమె తెలుగుదేశం పార్టీ డైనమిక్ మహిళ. ఆమె ఇంటి పేరు చెబితే చాలు.. ప్రతి ఒక్కరికి ఆమె కుటుంబం గురించి తెలిసిపోతుంది. ఆమె మాటలు తూటలు మాదిరిగా ఉంటాయి. ఆమె శత్రువులను చీల్చిచండాడుతుంది. ఆమె పార్టీ పై ప్రత్యర్థి విమర్శలు చేస్తే.. ఆ ప్రత్యర్థి మరల జీవితం లో విమర్శలు జోలికి పోకుండా చేసే సత్తా ఉన్న మహిళ నాయకురాలు. ఈమె పేరులోనే కాకుండా .. ఆమె ఆహర్యంలో కూడా రాజ కుమారి కనబడుతుంది. ఆమె ఎవరో కాదు తెలుగు దేశం ఎమ్మెల్సీ అభ్యర్థి అయిన నన్నపనేని రాజకుమారి.

ఆమె అరవైఏళ్ల వయస్సులో కూడా ఇరవై లా కనిపిస్తుందని ఒక మంత్రి గట్టిగా అన్నాడు. మొదట ఆమెను ముసలి వారని ఆ మంత్రి భావించాడట.. తరువాత ఆమె మనసు కూడా యంగ్‌గా ఉందని తెలుసుకుని, రాజకుమారి ఎప్పటికీ ఇలాగే ఉండాలని మంత్రి వట్టి వసంతకుమార్ చెప్పాడట. ఆ మాటలకు రాజకుమారి కూడా మంత్రి వ్యాఖ్యలకు అంతే సరదాగా సమాధానమిచ్చారు. వట్టి గట్టి మాటలు చెబుతారంటూ నవ్వులు పూయించారు.

మండలిలో చోటుచేసుకున్న సన్నివేశమిది. శాసనమండలి సభ్యుల పట్ల ప్రభుత్వం చిన్న చూపు చూస్తోందన్న అంశం చర్చకు వచ్చినప్పుడు దానిపై రాజకుమారి మాట్లాడారు. 'చట్టసభల సభ్యుల చైనా పర్యటన జాబితాలో ఎమ్మెల్సీల పేర్లు కనిపించడం లేదు. క్రీడా పోటీల విషయంలోనూ మన పట్ల చిన్నచూపే. ఏ విషయంలోనూ కనీసం చైర్మన్(చక్రపాణి)ని కూడా సంప్రదించట్లేదు. నేను ముసలివాళ్లమయ్యామా?' అని రాజకుమారి ఆవేదన వ్యక్తం చేశారు. అందుకు ప్రతిగా.. మంత్రి వట్టి వసంత్‌కుమార్ పై విధంగా మాట్లాడినట్లు తెలుస్తుంది. అంటే వట్టి గట్టిగానే చెబుతారు' అంటూ రాజకుమారి సైతం ప్రతి సమాధానమిచ్చారు. దీంతో సభలో కొద్ది సేపు నవ్వులు విరిశాయి.