Posted: 03/14/2012 02:44 PM IST

కొడవలి తో కలిసి సైకిల్ ప్రయాణం చేయటానికి సిద్దమైనట్లు తెలుస్తుంది. నాలుగు సంవత్సరాల తరువాత మళ్లీ వారి స్నేహం కొనసాగించాలని .. ఈ పార్టీ వారు కోరుకుంటున్నారని పార్టీల సీనియర్ నాయకులు అంటున్నారు. అందులో భాగంగానే ఎస్సీ పార్టీ నేత ములాయం సీపీఎం నేత ప్రకాశ్ కరత్ తో కలిసినట్లు తెలుస్తుంది. అంటే తన కొడుకు అఖిలేష్ ప్రమాణ స్వీకార కార్యక్రమానికి సీపీఎం నేతలను పిలవటానికి వెళ్లినట్లు తెలుస్తుంది.

సుదీర్ఘ కాలం అనంతరం ఎస్పీ, సీపీఎం నేతలు కలుసుకున్నారు. అణు ఒప్పందం విషయంలో ఏర్పడిన విభేదాల అనంతరం నాలుగేళ్ల తర్వాత వారు బేటీ అయ్యారు. ములాయంతో కలిసి సీపీఎం కేంద్రకార్యాలయానికి వెళ్లిన అఖిలేష్.. తన ప్రమాణ స్వీకార కార్యక్రమానికి రావాల్సిందిగా సీపీఎం నేతలను ఆహ్వానించారు. సీపీఎం నేత ప్రకాశ్ కరత్ తో భేటీ పై అఖిలేష్ ఆనందం వ్యక్తం చేశారు.

యూపీ ఎన్నికలలో విజయం సాధించిన తర్వాత పార్లమెంట్ కు వచ్చానని త్వరలో మళ్లీ ఢిల్లీకి వచ్చే అవకాశం లేదు అందువల్ల మర్యాదపూర్వకంగానే చాలా మంది నేతలను కలిశానని చెప్పారు. కాగా, కేంద్రంలోని యూపీఏ ప్రభుత్వాన్ని పడగొట్టేందుకు తాము ఎలాంటి ప్రణాళికలు రచించడం లేదని స్పష్టం చేశారు. కేంద్ర ప్రభుత్వానికి తమ మద్దతు కొనసాగుతుందని అఖిలేష్ అన్నారు.

యూపీలో తమకు ప్రజలిచ్చిన మెజార్టీ రాష్ట్రాన్ని అబివ్రుద్ధి పథంలో నడిపించడానికేనని కేంద్ర ప్రభుత్వాన్ని పడవేయడానికి మాత్రం కాదని పేర్కొన్నారు. పార్లమెంట్ లో తన బలాన్ని పెంచుకునేందుకు ఇదే సరైన సమయం కాదని అఖిలేష్ చెప్పారు.