Posted: 03/13/2012 07:45 PM IST

కత్రినా కైఫ్ .. ఈ పేరిపుడు బాలీవుడ్ లో మంచి బాంబ్ షెల్ గా మారింది. ఈ అమ్మడు ఈ మద్య కాలంలో హీరోయిన్ గా కంటే ఐటెం సాంగ్ లే ఎక్కువగా చేస్తూం.. ఐటెం గాళ్ ఇమేజ్ కు దగ్గరవుతోంది. నిజానికి బాలీవుడ్ లో టాప్ హీరోయిన్లు ఐటెం నంబర్లు చేయడం కొత్తేమీ కాదు. మరి మన సౌత్ మార్కెట్ లో ఆమె ఇలాంటి ప్రత్యేక గీతాలు చేయడానికి ఒప్పుకుంటుందా? అనేది కాస్తా డౌటే. హిందీలో సల్మాన్ నటించిన దబాంగ్ చిత్రం పెద్ద హిట్ కొట్టింది. అందులో మలైకా అరోరా చేసిన మున్నీ బదనాం.. సాంగ్ ఎంతగా యువతకు పిచ్చెక్కించిందో తెలిసే ఉంటుంది. ఇదే సినిమాను ఇప్పుడు తెలుగులో పవర్ స్టార్ పవన్ కల్యాణ్ గబ్బర్ సింగ్ పేరుతో చేస్తున్నాడు.

ఇందులో సదరు ఐటెం కోసం అనుష్క, పార్వతి మిల్టన్, త్రిష, శ్రియ , ఇలియానా , బిపాసా, దీపికా పదుకునే .. ఇలా అనేక మంది ముద్దుగుమ్మల పేర్లు వినిపిస్తూ వస్తున్నా.. డిస్ట్రీబ్యూటర్లు మాత్రం కత్రినా కైఫ్ నే ఈ పాటకు నర్తింపజేయాలని గట్టిగా పట్టుబడుతున్నారట. దీంతో నిర్మాతగా గణేష్ బాబు ఆమెను ఒప్పించడానికి శతవిధాల ప్రయత్నిస్తున్నాడట. అంతా అనుకున్నట్లు జరిగితే.. గబ్బర్ సింగ్ సినిమాలో కత్రినా ‘మున్ని’గా దర్శనమిచ్చే అవకాశాలు లేకపోలేదు.