Posted: 02/28/2012 07:34 PM IST

సాధారణంగా క్రికెటర్లు ఆటతో పాటు బిజినెస్ లు చేయడం అందరికీ తెలిసిన విషయమే. అయితే బిజినెస్ నిర్వహించే క్రికెటర్లు ఇప్పుడు వారి భార్యలతో కూడా బిజినెస్ చేయిస్తున్నారు. ప్రముఖ క్రికెటర్లు టెండూల్కర్ భార్య అంజలి, సెహ్వాగ్ భార్య ఆర్తి కలిసి ఓ బిజినెస్ లోకి ప్రవేశించి వాళ్ళ లక్ ని చూసుకోబోతున్నరు. చెన్నైకి చెందిన స్పోర్ట్స్ మిషన్ అనే సంస్థలో వీరిద్దరు వాటాదారులుగా చేరారని తెలుస్తుంది. . భారత జట్టు వీడియో అనలిస్టు సుబ్రహ్మణ్యన్ రామకృష్ణన్ స్థాపించిన చెన్నైలోని స్పోర్ట్స్ కంపెనీలో వారిద్దరు మెజారిటీ వాటాను కొనుగోలు చేసినట్లు వార్తలు వచ్చాయి.  ఈ సంస్థలో అంజలికి 35 శాతం, ఆర్తికి 25 శాతం, రామకృష్ణన్‌కు 38 శాతం వాటాలు ఉన్నట్లు సమాచారం.

వీరిద్దరు ఆసంస్థను ప్రారంభించినప్పటి నుండి అందులో బోర్డు సభ్యలుగా ఉన్నారు. స్సోర్ట్స్ మెకానిక్స్‌లో 30 మంది సిబ్బంది ఉన్నారు. చాలా మంది పాఠాశాల, కాలేజీ స్థాయి క్రీడాకారులు. నిరుడు రూ. 3 కోట్ల రూపాయల టర్నోవర్ మాత్రమే సాధించింది. దాన్ని వంద కోట్ల రూపాయల టర్నోవర్ సాధించే దిశగా రామకృష్ణన్ నడిపించడానికి సమాయత్తమవుతున్నారు. విజ్యువల్ కోచింగ్ మెథడ్స్ పెరగడంతో స్పోర్స్ట్ మెకానిక్స్ వ్యాపారం పెరిగే అవకాశాలున్నట్లు చెబుతున్నారు.

రామకృష్ణన్ తమిళనాడు జూనియర్ క్రికెట్ జట్టులో ఆడాడు. అదే విధంగా 13 ఏళ్ల పాటు ఇండియన్ బ్యాంక్ జట్టుకు నేతృత్వం వహించారు. దశాబ్దం క్రితమే ఆయన వీడియో అనాలిసిస్ సోల్యూషన్స్‌ను ప్రవేశపెట్టారు. పెర్మార్మెన్స్ అనలిస్టుగా జాన్ రైట్ 2003లో ఆహ్వానించినప్పుడు రామకృష్ణన్‌కు పెద్ద బ్రేక్ లభించింది. ఏది ఏమైనా క్రికెటర్లే కాకుండా వారి భార్యలతో కూడా బిజినెస్ చేయించడం అంటే మామూలు విషయం కాదు. ఎంతయినా సచిన్, వీరూ సమ్ థింగ్ స్పెషల్ అంటున్నారు క్రికెట్ జనాలు.