Posted: 01/02/2012 05:16 PM IST

సూపర్ స్టార్ క్రిష్ణ కొడుకు ప్రిన్స్ మహేష్ బాబు 2011 లో తన దూకుడు కొనసాగించాడు. అదే ఊపులో 2012 ని కూడా కొనసాగించాలని చూస్తున్నాడు. ఇప్పటికే సినిమాలతో బిజీగా ఉన్నాడు. 2011 లో సినిమా కంటే యాడ్స్ లోనే ఎక్కువగా నటించాడు. 2011 లో మల్టీ నేషనల్ కంపెనీలకు బ్రాండ్ అంబాసిడర్ గా పనిచేశాడు. షాంపులు, జువెల్లరీ, ఆయిల్ కంపెనీలకు బ్రాండ్ అంబాసిడర్ గా చేసిన మహేష్ తాజాగా ఈ సంవత్సరం ప్రముఖ సబ్బుల కంపెనీకి బ్రాండ్ అంబాసిడర్ గా వ్యవహరించనున్నాడని సమాచారం.

హీరో మాధవన్ చేస్తున్న సంతూర్ సబ్బు యాడ్ లో ఇక పై మహేష్ కనిపించనున్నాడని సమాచారం. ఇప్పటికే యాడ్స్, సినిమాలతో బిజీగా ఉండే మహేష్ ఈ సబ్బు యాడ్ లో నటించనున్నాడని వార్తలు. మన రాష్ట్రంలో ఎక్కువగా అమ్ముడయ్యే సబ్బు సంతూరు అని చెప్పవచ్చు. దీని ఉత్పత్తులు పెంచుకునేందుకు ఆ కంపెనీ మహేష్ ఒప్పందం కుదుర్చుకుందని సమాచారం.  గతంలో త్రివిక్రమ్ పలు కార్పొరేట్ యాడ్లకు దర్శకత్వం వహించి మంచి పేరు తెచ్చుకున్నాడు. ఈ నేపథ్యంలో మహేష్ బాబును ఈ యాడ్ లో స్టయిలిష్ గా చూపిస్తారనే నమ్మకంతో ఈ బాధ్యతలు అతనికి అప్పగించే యోచనలో సంతూర్ కంపెనీ ఉందని తెలుస్తోంది. ఇందుకు సంబంధించి వివరాలు త్వరలో వెల్లడవబోతున్నాయని అంటున్నారు. మహేష్ బాబు రాబోయే రోజుల్లో డ్రాయర్లు, బనియన్ల యాడ్స్ లో కనిపించినా ఆశ్చర్య పోనక్కర్లేదని అంటున్నారు జనాలు.