Posted: 12/16/2011 11:17 AM IST

షారూఖ్ ఖాన్ తెలంణావాడే. షాక్ తిన్నారా ? అవును మీరు విన్నది కరెక్టే. కొంపదీసి బాలీవుడ్ బాద్ షా షారూఖ్ కాదు కదా ? అవును బాలీవుడ్ బాద్ షానే. బాలీవుడ్ లో ఉన్నవాడు ముంబయిలో ఉండేవాడు తెలంగాణకు సపోర్టు చేస్తున్నాడు కాబట్టి తెలంగాణ వాడు అవుతాడనుకుంటే అది మీ పొరపాటు. షారూఖ్ ఖాన్ నిజంగా తెలంగాణ బిడ్డేననట. అదెలాగంటారా?

ఆయన తాజాగా నటించిన చిత్రం ‘డాన్-2’. ‘డాన్’ చిత్రానికి ఇది సీక్వెల్ ఈ చిత్రం ఈనెల 23న ప్రేక్షకుల మందుకు రాబోతుంది. ఈ చిత్రాన్ని మూడు భాషలలో విడుదల చేస్తున్నారు. తెలుగు వెర్షన్ కి సంబంధించిన పాటల విడుదల కార్యక్రమంలో కోసం ఈ బాద్ షా హైదరాబాద్ వచ్చాడు. అంత మాత్రాన తెలంగాణ వాడు వాడు ఎలా అవుతాడనేగా?

ఈ కార్యక్రమంలో షారూఖ్ ఖాన్ హైదరాబాద్ తో ఉన్న అనుంబంధాన్ని పంచుకున్నాడు. ‘‘ మా అమ్మమ్మ వాళ్ళది హైదరాబాదే. నేను చిన్నప్పుడు ఐదు సంవత్సరాలు ఇక్కడే పెరిగాను. ఆ తరువాత ముంబయి వెళ్ళిపోయాం. అని చెప్పాడు. అంటే షారూక్ ఖాన్ 5 సంవత్సరాలు ఇక్కడ పెరిగాడు, అందులోనూ వాళ్ళమ్మమ్మ వాళ్ళు తెలంగాణ ప్రాంతానికి చెందిన వారే కాబట్టి ఇతను కూడా తెలంగాణ వాదిగానే పరిగించవచ్చని, ముంబయిలో ఉన్నంత మాత్రాన ఇండియన్ అవుతాడు కానీ, బేసిగ్గా చూస్తే తెలంగాణ వాదే అవుతాడని తెలంగాణ వాదులు కొందరు అనుకుంటున్నారు. షారూఖ్ తన అనుభవాలను చెబుతూ, నాకు హైదరాబాదీ బిర్యానీ అన్నా, హలీమ్ అన్నా చాలా ఇష్టం. ఇక్కడ ఉన్నట్లు మరెక్కడ ఉండదని కూడా కితాబు ఇచ్చాడు.

సో... మొత్తానికి బాలీవుడ్ హీరోలలో కూడా తెలంగాణ హీరోలు ఉన్నారని తెలంగాణ వాదులు సంబరపడుతున్నారు.