Posted: 12/12/2011 03:13 PM IST

వైయస్సార్ పార్టీ అధ్యక్షుడు, కడప పార్లమెంట్ సభ్యుడు జగన్ మోహన్ రెడ్డి తనకు పదవి రాలేదనే కోసంతో ఎప్పుడూ ప్రక్క వారి మీద వాక్భాణాలు సంధించటం చేస్తుంటాడు. అంతే కాకుండా తనకు చెందిన సాక్షి పత్రిక, ఛానెల్ లో కూడా వారి పై కథనాలు పదే పదే ప్రసారం చేయిస్తుంటాడు.

రాజశేఖర్ రెడ్డి చినిపోయి రెండు సంవత్సరాలు దాటినా ఇంకా ఓదార్పు చేస్తూనే ఉన్నాడు. ఆ ఓదార్పులో కాంగ్రెస్ సోనియా గాంధీ పైనా, ప్రభుత్వం పైనా, చంద్రబాబు నాయుడి పైనా తీవ్రమైన వ్యాఖ్యలు చేస్తుంటాడు. తాజాగా జగన్ లిస్టులోకి మాజీ ప్రధాన న్యాయమూర్తి జస్టిస్ కక్రూ వచ్చి చేరాడు. తనకు వ్యతిరేకంగా వ్యవహరించిన వారికి జగన్ తన మాటలతో, పత్రిక, ఛానెల్ తో దాడి చేస్తుంటాడు.
హైకోర్టు ప్రధాన న్యాయమూర్తిగా ఉన్నప్పుడు నిసార్ అహ్మద్ కక్రూ వైయస్ జగన్ ఆస్తుల పై దర్యాప్తుకు ఆదేశించినందుకు ఇప్పుడు ఆయన పై విమర్శలు గుప్పిస్తున్నాడు. న్యాయమూర్తి పదవి నుండి విరమణ పొందిన కక్రూ రాష్ట్ర మానవ హక్కుల కమీషనర్ గా ఎన్నికయ్యారు. ఈమేరకు ఆయనకు తీవ్ర వాదుల నుండి ముప్పు ఉందని ప్రభుత్వానికి విన్నవించుకున్నారు. దీంతో ఆయనకు బుల్లెట్ ఫ్రూఫ్ కారు ఇవ్వడానికి ప్రభుత్వం అంగీకరించింది.

దీనికి జగన్ మీడియా తన ఆస్తుల పై దర్యాప్తుకు ఆదేశించినందుకే ఆయనకు మానవ హక్కుల కమీషనర్ గా బాధ్యతలు ఇచ్చారని, ఇంత వరకు ఏ మానవ హక్కుల కమీషనర్ కి ఇవ్వనన్ని సకల సౌకర్యాలు ఇచ్చారని విమర్శిస్తుంది.
అయితే ప్రజలు మాత్రం జగన్ కి ఎవరు వ్యతిరేకంగా తీర్పులు ఇచ్చిన కానీ, వ్యతిరేకంగా పని చేసిన వారి పై ఇలా చేయడం అలవాటేనని ఇలా ఆయన కక్రూ పై, కిరణ్ కుమార్ రెడ్డి ప్రభుత్వం పై విమర్శలు చేయడం తగదని అనుకుంటున్నారు.