Posted: 12/08/2011 12:25 PM IST

అదేంటి టైటిల్ ని చూసి షాక్ తిన్నారా ? మాయావతిని ఐటెంసాంగ్ చేయమని అడుతున్నారని అనుకుంటున్నారా ? అలా అనుకుంటే తప్పులో కాలేసినట్లే. ఆమె ఐటెం సాంగ్ చేయడానికి ఐటెంగర్ల్ కాదు, ఆమెని ఎన్నుకోవడానికి రాకేష్ ఝున్ ఝన్ వాలా ప్రముఖ డైరెక్టరూ కాదు. మరి ఏంటి ? అనుకుంటున్నారా ?

అసలు విషయం ఏంటంటే... నిన్న సోషల్ నెట్ వర్కింగ్ సైట్లయిన గూగుల్, ఫేస్ బుక్, ట్వట్టర్ తదితర వాటి పై కపిల్ సిబల్ ఆంక్షలు విధించిన విషయం తెలిసిందే. ఇందుకు గాను ఆయన పై సోషల్ నెట్ వర్క్ వినియోగ దారులు ఆగ్రహం వ్యక్తం చేస్తున్నారు.
‘‘ఇడియట్ కపిల్ సిబల్’’ అనే ఫ్రేజ్ లతో ట్విట్టర్ లో లక్షలాది మంది ట్వీట్లు వచ్చి చేరుతున్నాయి. అందులో కామెంట్ చేసిన వ్యక్తే రాకేష్ ఝున్ ఝున్ వాలా. ఇతను తన ట్విట్టర్లో సిబల్ పై తీవ్రమైన వ్యాఖ్యలు చేస్తూ దానికి మాయావతిని ఉదహరించాడు.
ఆయన చేసిన వ్యాఖ్యలు ఏంటంటే... ‘‘ కనీసం ఇంటర్ నెట్ అంటే ఏంటో కూడా సిబల్ కు అర్థం తెలియదనుకుంటా..., ఒక న్యాయవాదిని తీసుకువచ్చి ఐటీ మంత్రి కుర్చీలో కూర్చుండబెడితే ఇలానే ఉంటుంది... ‘‘ ఒక ఐటెం సాంగ్ కు మాయావతిని ఎన్నుకున్నట్లు’’ అని వివాదాస్పద వ్యాఖ్యలు చేశాడు.

ఝున్ ఝున్ వాలానే కాకుండా ప్రముఖ రచయిత్రి శోభా డే కూడా.... ‘సిబల్ సాబ్ 10 కోట్ల మంది ఇంటర్ నెట్ వినియోగదారులున్న దేశం ఒక్క మేడమ్ సోనియాగాంధీ ప్రైవసీని కాపాడటానికి ఇంత  దౌర్జన్యంగా వ్యవహరించాలా ? అని ట్వీట్ చేసింది.
కాగా... సోషల్ నెట్ వర్కింగ్ సైట్లకు ఆంక్షలు విధించాలంటే పార్లమెంటు అభిప్రాయాలను పరిగణలోకి తీసుకొని చట్టం చేయడం ద్వారానే నియంత్రించాలని బిజేపీ డిమాండ్ చేసింది.

ఏది ఏమైన సిబల్ నిర్ణయం పై నెటిజన్లు తీవ్ర ఆగ్రహం వ్యక్తం చేస్తున్నారు. ఇంకా ఎవరెవరినీ ఉదహారణగా తీసుకుంటారోనని జనం అనుకుంటున్నారు.