కొబ్బరి నీళ్ళలో దాగివున్న ఆరోగ్య ప్రయోజనాలు

Posted: 09/18/2015 10:40 AM IST

ప్రకృతి సహజంగా లభించే పండ్లలో ఎన్నో ఔషధగుణాలు దాగివుంటాయని నిపుణులు తేల్చి చెప్పారు. ప్రస్తుత ఆధునిక యుగంలో లభించే మెడిసిన్స్, ఇతర ప్రోడక్ట్స్ కంటే అవే చాలా మేలని ఎన్నో పరిశోధనల్లో తేలింది. ఆయుర్వేద శాస్త్రం కూడా ఈ విషయాన్ని వెల్లడించింది కాబట్టి.. ప్రకృతి సహజంగా లభించే పండ్లను రెగ్యులర్ గా తీసుకుంటే ఎంతో శ్రేయస్కరం. అలాంటి వాటిల్లో కొబ్బరి ఒకటి. ముఖ్యంగా కొబ్బరి నీళ్లలో ఎన్నో గుణాలు దాగివుంటాయని వైద్యులు చెబుతున్నారు. అందుకే.. జ్వరం లేదా చిరుజబ్బుల బారిన పడిన ప్రతిఒక్కరికి ఈ కొబ్బరి నీళ్లు తాగాలని సలహాలు ఇస్తుంటారు. ఇంతకీ.. ఆ కొబ్బరి నీళ్లలో దాగివున్న ప్రయోజనాలేంటో తెలుసుకుందామా..

డీహైడ్రేషన్ సమయంలో కొబ్బరి నీరు తీసుకుంటే శరీరానికి తగిన శక్తి లభిస్తుంది. ఈ నీళ్లను తీసుకోవడం వల్ల శరీరంలోని వేడి తగ్గి, ప్రశాంతంగా అనిపిస్తుంది. ఆయుర్వేదం ప్రకారం... కొబ్బరి నీరు జీర్ణవ్యవస్థను మెరుగుపరుస్తుంది. అలాగే మూత్రమార్గాన్ని శుభ్రపరుస్తుంది. అంతేకాదు.. ఈ నీటిని మూత్రపిండాల్లో ఏర్పడిన రాళ్లను తొలగించేందుకు కూడా ఉపయోగిస్తారు. ఈ నీళ్లను చర్మంపై రాసుకుంటే శరీరంపై ఉన్న పొక్కులు, ర్యాషెస్ తగ్గిపోతాయి. కాబట్టి కొబ్బరి నీళ్లకు అంతటి ప్రాధాన్యత వుంది. ప్రతిరోజూ సాయంత్రం సమయంలో ఈ కొబ్బరి నీళ్లు తాగితే.. ఆరోగ్యం ఎంతో మెరుగవుతుంది. దీంతో సౌందర్య ప్రయోజనాలు కూడా మెరుగ్గానే వున్నాయి కాబట్టి.. ఈ కొబ్బరి నీళ్లే ఎంతో శ్రేయస్కరం.