బరువు తగ్గాలా.. అయితే ఈ చిట్కాలు పాటించండి!

Posted: 09/11/2015 03:58 PM IST

ప్రస్తుతరోజుల్లో చాలామంది ఊబకాయం సమస్యతో తీవ్ర ఇబ్బందులు ఎదుర్కొంటున్నారు. నిరంతరాయంగా కూర్చొని పనిచేయడం కారణంగా శరీర బరువు క్రమక్రమంగా పెరుగుతూ వుంటుంది. అలాంటప్పుడు బరువును తగ్గించాలంటే నిత్యం వ్యాయాయం చేయడంతోపాటు కొన్ని మందులు తీసుకోవాల్సి వుంటుంది. అయితే.. బరువు తగ్గాలంటే కొన్ని సింపుల్ చిట్కాలు పాటిస్తే చాలని ఆరోగ్య నిపుణులు అంటున్నారు. వాటిని రెగ్యులర్ పాటిస్తే.. బరువు తగ్గడంతో ఆరోగ్యం మెరుగవుతుందని చెబుతున్నారు. మరి.. అవేంటో తెలుసుకుందామా..

ఆహారం తీసుకోవడానికి గంటముందు ఒక టమోటాను తింటే బరువును నియంత్రించుకోవచ్చు. అలాగే అనారోగ్య సమస్యలను దూరం చేసుకోవచ్చు. ఎందుకంటే.. టమోటాల్లో క్యాల్షియం, ఫాస్ఫరస్, విటమిన్ సి తదితర పోషక విలువలు పుష్కలంగా ఉన్నాయి. ఇవి.. శరీరంలో వుండే వ్యర్థాలను తొలగించడంలో ప్రముఖపాత్ర వహిస్తాయి. అలాగే.. కొలెస్టిరాల్ శాతాన్ని తగ్గిస్తాయి. ఇంకో విషయం ఏమిటంటే.. తరచూ టమోటాలు తీసుకోవడం వల్ల ఎక్కు ఆకలి అవకుండా వుంటుంది. అందుకే.. రెగ్యులర్ వంటకాల్లో టమోటాలు వేసుకుంటే ఎంతో శ్రేయస్కరం. అలాగే ఇది రక్తాన్ని శుద్ధి చేస్తుంది. విటమిన్స్‌ కూడా లభిస్తాయని న్యూట్రీషన్లు అంటున్నారు. టమాటాలను మిక్సీలో వేసుకుని జ్యూస్‌లాగా చేసుకుని అందులో కొద్దిగా ఉప్పు లేదా చక్కెర వేసుకుని తీసుకుంటే చర్మానికి నిగారింపు వస్తుంది.

మరిన్ని చిట్కాలు :

* ఉదయం నిద్రలేవగానే, ఒక గ్లాసు గోరువెచ్చని నీరు తాగాలి. ఈ హెల్దీ చిట్కా ద్వారా శరీరాన్ని మనస్సును తాజాగా ఉంచుకోవచ్చు. గోరువెచ్చని నీళ్ళు తీసుకోవడం వల్ల ఎక్కువ క్యాలరీలు కలుగుతాయి.
* ఒక గ్లాసు లెమన్ జ్యూస్‌ను తీసుకోవాలి. ఈ లెమన్ జ్యూస్‌ను ఖాళీ పొట్టతో తీసుకోవడం వల్ల, చాలా త్వరగా బరువు తగ్గుతారు. అలాగే ప్రతి రోజూ ఉదయం, ఒక కప్పు గ్రీన్ టీ తీసుకోవాలి.
* ఉదయం నడక లేదా చిన్న పాటి జాగింగ్ వల్ల త్వరగా బరువు తగ్గించుకోవచ్చు. ఇది శరీరం ఫిట్‌గా ఉండటానికి, వ్యాధినిరోధకతను పెంచుతుంది.
* రోజంతా ఆకలి అనిపించకూడదనుకుంటే, ఉదయం బ్రేక్ ఫాస్ట్ తప్పనిసరిగా ఎక్కువగా తీసుకోవాలి. అందులోనూ అధిక ప్రోటీనులున్న ఎగ్, బ్రౌన్ బ్రెడ్ వంటి ఆహారాలను రెగ్యులర్‌గా తీసుకోవాలి.
* మద్యాహ్నాం భోజనానికి ఆరోగ్యకరమైన ఆహారం తీసుకోవడం చాలా అవసరం. భోజనంలో తీసుకొనే పదార్థాల్లో ప్రోటీన్స్, మినిరల్స్, న్యూట్రీషియన్స్ అధికంగా ఉండేలా చూసుకోవాలి.
* వేగంగా బరువు తగ్గాలనుకొనేవారు, ఎక్కువ విశ్రాంతి తీసుకోకూడదు. చిన్నపాటి విరామాలు తీసుకుంటే సరిపోతుంది.
* ఆహారంలో విటమిన్స్ మాత్రమే కాకుండా, శరీరానికి మరో ప్రధానమైన విటిమిన్ డి చాలా అవసరం అవుతుంది. ఈ విటమిన్ ఉదయం సూర్యరశ్మి వల్ల పొందవచ్చునని ఆరోగ్య నిపుణులు అంటున్నారు.