దంతాలు, చిగుళ్ల ఆరోగ్యానికి హెల్దీ ఫుడ్స్

Posted: 07/13/2015 12:37 PM IST

దంతక్షయం సమస్య ప్రతిఒక్కరికి అప్పుడప్పుడు వస్తుంటుంది. రెగ్యులర్ డైట్ ప్రాపర్ గా లేనప్పుడు.. నోట్లో ఉండే ఆమ్లాలు దంతాల ఔటర్ లేయర్ ను కరిపోయోలా చేస్తాయి. దాంతో దంతాలు మరింత సెన్సిటివ్ గా మారి.. దంతక్షయానికి కారణమవుతాయి. తినేటప్పుడు లేదా త్రాగేటప్పుడు దంతాలు నొప్పించడం, వేడి లేదా చల్లటి పదార్థాలు తీసుకొనేటప్పుడు సెన్సిటివ్ గా అనిపించడం, దంతాల మీద కలర్ మార్పు చెందడం వంటివి ఈ వ్యాధి లక్షణాలు. ఈ సమస్య నుంచి బయటపడాలంటే.. కొన్ని హెల్దీ ఫుడ్స్ రెగ్యులర్ గా తీసుకుంటే చాలు. ఆ ఫుడ్స్ ఏంటో తెలుసుకుందామా..

* క్యాల్షియం రిచ్ ఫుడ్స్ : క్యాల్షియం అధికంగా ఉండే ఆహారాలను ఎక్కువగా తీసుకుంటే.. ఆరోగ్యానికి మాత్రమే కాదు, దంతాలు-చిగుళ్లకు కూడా మంచిదే. చిగుళ్ల వ్యాధులు, దంతక్షయం వంటి సమస్యల్ని దూరంగా వుంచాలంటే క్యాల్షియం ఫుడ్ ను ఎక్కువగా తీసుకోవాలి. పాలు, పెరుగు చీజ్, అరటిపండ్లు, బ్రొకోలీ వంటివాటిలో క్యాల్షియం ఎక్కువగా వుంటుంది.

* మెగ్నీషియం రిచ్ ఫుడ్స్ : రక్తంలో ఆల్కలైన్ ఎన్విరాన్మెంట్ ను క్రియేట్ చేయడానికి సహాయపడుతుంది. ఇది విటమిన్ డి గ్రహించడానికి అది క్యాల్షియంగా మార్పు చెందడానికి చాలా అవసరం అవుతుంది. ఆకుకూరలు, ధాన్యాలు, బాదం, బీన్స్, ఫిష్, అవొకాడో, అరటిపండ్లలో ఎక్కువగా వుంటుంది. ఇది దంతక్షయాన్ని నివారించడానికి ఒక ఉత్తమమైన మార్గం.

* మాంసాహారం : మాంసాహారం నోటిలో ఆల్కలైన్ ఎన్విరాన్మెంట్ ను క్రియేట్ చేయడానికి, అసిడిక్ ఫైటిక్ యాసిడ్ పిహెచ్ క్రియేట్ చేయడానికి సహాయపడుతుంది. రెడ్ మీట్, చికెన్, ఫిష్, సీఫుడ్స్ లో విటమిన్ బి12, బి2 లు ఎక్కువగా ఉన్నాయి. దంతక్షయాన్ని నివారించడంలోనూ ఈ మాంసాహారం తోడ్పడుతుంది.

* కొబ్బరి నూనె : ఈ నూనెలో యాంటీ బ్యాక్టీరియల్ లక్షణాలు పుష్కలంగా ఉన్నాయి. ఇది నోట్లో హానికరమైన బ్యాక్టీరియాన్ తొలగించడానికి సహాయపడుతుంది. టూత్ పేస్ట్ లో కొద్దిగా కొబ్బరితురుము లేదా కొబ్బరి నూనె జోడించి బ్రష్ చేసుకుంటే.. మంచి ఫలితం ఉంటుంది.

* వెజిటేబుల్స్ : ఇవి అన్నికంటే ఎంతో మేలైన రెమెడీలు. ఈ వెజిటేబుల్స్ దంత క్షయాన్ని నివారించడంలో కీలకపాత్ర పోషిస్తాయి. వెజిటేబుల్స్ లో ఫైబర్ అధికంగా ఉంటుంది. ఇది నోట్లో లాలాజలం ఊరడానికి సహాయపడుతుంది. తద్వారా దంతక్షయం రాకుండా మినిరల్ డిఫెన్స్ ను క్రియేట్ చేస్తుంది.