అల్జీమర్స్ కు చెక్ పెట్టే వెన్న

Posted: 07/11/2015 11:58 AM IST

కొందరు జ్ఞాపకశక్తి లోపంతో బాధపడుతుంటారు. ఏదైనా తలచిన కార్యక్రమాన్ని చేద్దామని అనుకుంటారు కానీ.. తర్వాత మర్చిపోతారు. ఇలా ప్రతి 10మందిలో ఇద్దరు వ్యక్తులు ఈ సమస్యతో బాధపడుతున్నట్లు కొన్ని పరిశోధనలు తెలిపాయి. దీనిని తేలికగా తీసుకుంటే భవిష్యత్తులో మరిన్ని సమస్యలు తలెత్తుతాయన్న ఉద్దేశంతో ఇందుకు విరుగుడు విషయమై పరిశోధనలు జరిపారు. ఆ పరిశోధనల్లో భాగంగా ఈ అల్జీమర్స్ సమస్యకు ‘వెన్న’ దివ్యౌషధంగా తేలిందని నిపుణులు పేర్కొంటున్నారు. అవును.. అల్జీమర్స్ సమస్య నుంచి విముక్తి పొందాలంటే ‘వెన్న’ అన్నిటికంటే బెస్ట్ అని నిపుణులు సూచిస్తున్నారు.

బ్రిజిల్ లోని యూనివర్సిటీ ఆఫ్ సావో పాలో శాస్త్రవేత్తలు చేసిన పరిశోధనల్లో భాగంగా.. వెన్నను తింటే జ్ఞాపకశక్తికి కారణమయ్యే ఎంజైమ్ ‘ఫోస్ ఫోలిపాస్ ఏ2’ పనితీరు మెరుగవుతుందని తేలింది. జ్ఞాపకశక్తికి కారణమయ్యే కణత్వచాల నిర్మాణంలో పాలుపంచుకునే కొవ్వు ఆమ్లాలపై ఈ ఎంజమ్ ప్రత్యక్ష ప్రభావం చూపుతుందని పరిశోధకులు వెలల్డించారు. ఆరోగ్యవంతుల్లో ఆ కణత్వచాలు ఎప్పుటికప్పుడూ మారుతు, కొత్తవి ఏర్పడుతుంటాయి. కానీ.. అల్జీమర్స్ రోగుల్లో మాత్రం కొవ్వు ఆమ్లాలు బంధించి వుండటం వల్ల కణత్వచాలు స్తబ్దుగా వుంటాయని వారు పేర్కొన్నారు. ఎలుకలపై ఐదేళ్ల పరిశోధనలు చేసిన అనంతరం శాస్త్రవేత్తలు ఈ విషయాన్ని కనుగొన్నారు.

కాబట్టి.. అల్జీమర్స్ తో బాధపడుతున్నవారు ప్రతిరోజూ వెన్న తింటే తమ జ్ఞాపశక్తిని పెరుగుపర్చుకోవచ్చని నిపుణులు చెబుతున్నారు. అంతేకాదు.. వెన్నలో మరిన్ని ఆరోగ్యప్రయోజనాలు దాగి వున్నాయి. వివిధ చిరువ్యాధుల నుంచి ఇది రక్షణలో కలిగిస్తోంది. ఇందులోని పోషక విలువలు నిత్యం ఆరోగ్యంగా వుండేలా చేస్తాయి.