యావత్ ప్రపంచంలో వున్న వారందరికీ సాధారణ బీపీ (రక్తపోటు) 120/80 mmHg వుంటుంది. ఇది ఇలా సాధారణంగా వున్నంతవరకు మానవునికి ఎటువంటి ఆరోగ్య సమస్యలు తలెత్తవు. కానీ రక్తపోటులో ఏవైనా మార్పులు వస్తే.. అంటే హైబీపీ, లోబీపీ వంటివి సంభవిస్తే.. గుండెజబ్బులు, పక్షవాతం వంటి రోగాలు సంభవిస్తాయి. అంటే మానవ శరీరంలో వున్న రక్తపోటులో మార్పులు వస్తే ప్రాణానికే ప్రమాదం అన్నమాట!

సాధారణంగా వుండే బీపీ స్థాయి కొంచెం తక్కువగా వున్నా కూడా ఎటువంటి ప్రమాదం లేదు. అంటే.. 110/70 వున్నా ఎటువంటి సమస్యలు తలెత్తవు. లోబీపీని గుర్తించడానికి కొన్ని సులభమైన లక్షణాలున్నాయి. చీటికిమాటికి కళ్లు తిరగడం, ప్రతి అర్దగంటకోసారి ఒళ్లు చల్లబడి చెమలు కారడం లాంటివి కనిపించినప్పుడు దానిని లోబీపీగా గుర్తించవచ్చు.

ఈ రక్తపోటు సమస్య వల్ల రక్తనాళాలు కూడా దెబ్బతింటాయి. రక్తపోటు అదుపులో లేకపోవడం వల్ల మెదడుకు సంబంధించిన రక్తనాళాల్లో కూడా సమస్యలు తలెత్తుతాయి. గుండె, మెదడు, కిడ్నీల లాంటి ప్రధాన అవయవాలు రక్తపోటు అదుపులో లేకపోతే అనారోగ్యానికి గురవుతాయి. ఇటువంటి లోబీపీని అదుపు చేయడానికి కొన్నిరకాల ఆహార పదార్థాలు సహాయపడుతాయి. అవేమిటో ఒకసారి మనం చూద్దాం...

లోబీపీని అదుపు చేయడానికి ఉపయోగపడే ఆహార పదార్థాలు :

1. నీళ్లు... మానవుని శరీరంలో నీటి పరిమాణం తగ్గినప్పుడు రక్తప్రసరణ చాలా తక్కువగా వుంటుంది. ఇది లోబీపీకి కారకమవుతుంది కాబట్టి ప్రతిరోజు 8 నుంచి 10 గ్లాసుల వరకు నీటిని తాగితే.. లోబీపీని అదుపు చేయవచ్చు.

2. బ్లాక్ కాఫీ... దీనిని నిరంతరం సమయానుకూలంగా తీసుకోవడం వల్ల లోబీపీని సులభంగానే అదుపు చేసుకోవచ్చు.

3. క్యాల్షియం... సాధారణంగా ఈ క్యాల్షియం పాలులో లభ్యమవుతుంది. విటమిన్ డి, క్యాల్షియం ఎక్కువగా వుండే పాలును నిరంతరం తీసుకుంటే రక్తపోటును అదుపులో వుంచుకోవచ్చు.

4. లెమన్ వాటర్... ప్రస్తుతకాలంలో మార్కెట్లలో లెమన్ వాటర్ చాలా చవక ధరకే దొరుకుతుంది. ఇందులో వుండే పోషక పదార్థాలు రక్తపోటును అదుపులో వుంచుతాయి. లోబీపీ వున్నవాళ్లు కొద్దిగా తేనెను నిమ్మరసంలో కలిపి తాగితే తాజా అనుభూతిని పొందుతారు.

5. సన్ ఫ్లవర్... సన్ ఫ్లవర్ నూనె, ఆలీవ్ ఆయిల్ వంటివి శరీరంలో వుండే కొలెస్టిరాల్ ను తగ్గించి, రక్తప్రసరణ బాగా జరిగేందుకు సహకరిస్తాయి. అలాగే లోబీపీని అదుపులో వుంచడానికి ఉపయోగపడతాయి.

6. ఆహారం... ఆహారాన్ని ఒకేసారి ఎక్కువ మోతాదులో తీసుకోకూడదు. అలా చేయడం వల్ల శరీరంలో వుండే బీపీ స్థాయి తగ్గిపోతుంది. అలాగే ప్రోటన్లు ఎక్కువగా వుండే ఆహార పదార్థాలు శరీరంలో త్వరగా జీర్ణం కావు. కాబట్టి ఆహారాన్ని ఒకేసారి ఎక్కువ మోతాదులో కాకుండా తక్కువ మోతాదులో తీసుకోవాలి. అప్పుడే లోబీపీని అదుపు చేయగలగుతాం.

7. క్యాబేజి... క్యాబేజీలో అధిక మోతాదులో పొటాషియం, క్రోమియం వంటి పోషక పదార్థాలు శరీరంలో రక్తపోటును అదుపు చేయడానికి చాలా సహాయపడుతాయి. ఫలితంగా ఆరోగ్యంగా కూడా వుండవచ్చు కాబట్టి... ప్రతిరోజు క్యాబేజీని తీసుకుంటే లోబీపీని అదుపు చేయవచ్చు.

8. పాలకూర... పాలకూరలో ఎక్కువ మోతాదులో ఫోలేట్, ఐరన్, విటమిన్ - సీ వంటి పోషకాలు వుంటాయి. ఇవి శరీరంలో వుండే రక్తపోటును అదుపులో వుంచి... ఆరోగ్యంగా వుండేందుకు సహాయపడుతాయి.

9. వెల్లుల్లి... ఇందులో వుండే పోషక పదార్థాలు రక్తనాళాలలో వుండే రక్తాన్ని చిక్కగా మార్చి, గడ్డకట్టకుండా చేస్తుంది. పలితంగా లోబీపీ కూడా అదుపులో వుంటుంది.

10. టమోటో... ఇందులో లైకోపిన్ వంటి యాంటి ఆక్సిడెంట్లు అధిక మోతాదులో వుంటాయి. ఇవి రక్తాన్ని గడ్డకట్టకుండా, రక్రప్రసరణ బాగా జరగడానికి సహాయపడుతాయి. దీంతో లోబీపీ కూడా అదుపులో వుంటుంది.

11. అరటిపళ్లు... ఇందులో అధిక మోతాదులో పొటాషియం వుంటుంది. ఇది శరీరాన్ని ఆరోగ్యవంతంగా వుంచుతూ.. లోబీపీని అదుపు చేస్తుంది.

ఇలా ఈ విధంగా రకరకాల ఆహార పదార్థాలను సేవించి, లోబీపీని సులభంగా అదుపు చేసుకోవచ్చు. అలాగే నిద్రనుంచి మెళుకువల వచ్చే సమయంలో ధబాక్ మని త్వరగా లేయకూడదు. మెల్లగా కళ్లు తెరుస్తూ లేవాలి. అలాగే ఎత్తుగా వున్న ప్రదేశాలలో ఎక్కువ సమయం కేటాయించకూడదు.