లైంగిక శక్తిని పెంచే చిట్కాలు

Posted: 08/27/2015 01:18 PM IST

Romance tips for couple to increase sexual energy bedroom secrets

కొన్ని జంటలు లైంగికపరమైన సమస్యల్ని ఎదుర్కొంటుంటారు. ఆ ఇబ్బందుల వల్ల వారు తమ శృంగార జీవితాన్ని పూర్తిగా అనుభవించలేకపోతారు. ఏదో తూతూమంత్రంగా సెక్స్ కార్యాన్ని కానిచ్చేస్తారే తప్ప.. అందులో మధురానుభూతుల్ని పొందలేరు. ఇలాగే కంటిన్యూ అయితే.. వారిలో పూర్తిగా లైంగిక శక్తి తగ్గి, శృంగారంపై ఆసక్తి కనబరచలేకపోతారు. అలా కాకుండా లైంగిక శక్తిని పెంచుకోవాలంటే.. అందుకు సెక్సాలజిస్టులు కొన్ని చిట్కాలు అందిస్తున్నారు. వాటిని రెగ్యులర్ గా పాటిస్తే.. లైంగిక శక్తి పెరిగి, దాంపత్య జీవితాన్ని శృంగారభరితంగా కొనసాగించవచ్చు. మరి.. ఆ చిట్కాలేంటో తెలుసుకుందామా..

* ఆహ్లాదకరమైన సెక్స్ కోసం ప్రతి రోజూ 6 గంటలపాటు నిద్ర తప్పనిసరి అని సెక్స్ నిపుణులు చెపుతున్నారు. ఈ నిద్రతోపాటు ఓ గంట వ్యాయామం చేస్తే ఇంకా మంచిదంటున్నారు. అయితే.. సిక్స్‌ప్యాక్‌ వంటి కఠినమైన వ్యాయామాల వల్ల సెక్స్‌పట్ల ఆసక్తి తగ్గే అవకాశం లేకపోలేదని చెబుతున్నారు. కాబట్టి.. వాకింగ్‌, స్విమ్మింగ్‌, షటిల్‌ వంటి సాధారణ వ్యాయామాలే మంచివని సూచిస్తున్నారు. ధ్యానం కూడా లైంగిక శక్తిని పెంచుతుందని చెపుతున్నారు.

* అలాగే.. శృంగారంలో ఆసక్తిని పెంచడానికి ఆహారం కూడా ప్రాముఖ్యత వహిస్తుంది. ఒకప్పుడు మాంసాహారం సెక్స్‌ కోరికలను పెంచుతుందని నమ్మేవారు. పెళ్లయిన కొత్త దంపతులతో నేతితో చేసిన మినపసున్నండలు తినిపించేవారు. వాటిలోని పోషక విలువలు లైంగిక పటుత్వాన్ని పెంచుతాయి. ఇప్పుడు మారిన జీవన శైలికి అనువుగా వైద్యనిపుణులు దానిమ్మపండ్లు, ఆక్రోట్‌, ఓట్స్‌ శక్తినిస్తాయని చెబుతున్నారు. అలాగే మసాలాలు ఘాటుగా ఉన్న ఆహారం తీసుకుంటే కూడా కోరిక కలుగుతుంది. చాక్లెట్లు తినడం వల్ల కూడా లైంగిక శక్తి పెరుగుతుందని ఇటీవల నిర్వహించిన పరిశోధనలో తేలింది.

* ఇక ప్రధానంగా భార్యాభర్తల మధ్య లేనిపోని అనుమానాలకు తావు లేకుండా చూసుకోవాలని కోరుతున్నారు. అనుమానాల వల్ల మానసిక ఆందోళనకు గురై లైంగిక ఆసక్తి తగ్గుతుందని చెపుతున్నారు. శృంగారంలో స్త్రీ ఆమె సహకారం ఉంటే ఆనందపు అంచులను చూడవచ్చు. స్త్రీ, పురుషుల్లో రసికత ఉంటే జీవితం ఆనందమయమవుతుందని చెపుతున్నారు. రోజూ ఒకే చోటుకాకుండా వెరైటీ కోసం వివిధ ప్రదేశాల్లో సెక్స్‌లో పాల్గొంటే ఆసక్తి పెరుగుతుంది. ప్రదేశం మారడం వల్ల కొత్త అనుభూతులు కలుగుతాయని సెక్స్ నిపుణులు చెపుతున్నారు.

* ఈ మధ్య మద్యం సేవించి సెక్స్ లో పాల్గొంటుంటారు. మోతాదు మించని మద్యం వల్ల సెక్స్‌ భయాలు పోయి హాయిగా సెక్స్‌లో పాల్గొనవచ్చు. 60 ఎంఎల్‌ వరకు డ్రింక్‌ చేయవచ్చు. దానికి మించి తీసుకుంటే ఆసక్తి తగ్గుతుంది. భార్యాభర్తలు కలిసి తాగడం ఏమాత్రం మంచిది కాదు.