పిరియడ్స్ లో శృంగారంలో పాల్గొంటే ఎంతో రిలీఫ్..?

Posted: 08/26/2015 06:30 PM IST

పీరియడ్స్ సమయంలో చాలా మంది మహిళలు  భర్తను దగ్గరకు రానివ్వరు. అసలు తాకను కూడా తాకనివ్వరు. ఎందుకంటే.. అలాంటి సమయంలో రతిక్రీడలో పాల్గంటే సుఖవ్యాధులు వస్తాయన్నది వారి భావన. అయితే.. అలాంటిదేమీ లేదని గైనకాలజిస్టులు అంటున్నారు. పీరియడ్స్ వచ్చినపుడు సెక్స్‌లో పాల్గొనడం వల్ల మహిళలు మరింత రిలీఫ్‌గా ఫీలవుతారని  వారంటున్నారు. బహిష్టు సమయంలో రతి చేస్తే ప్రమాదం, యోని మరింత నొప్పి పుడుతుందన్నది ఒట్టి మాటేనని చెపుతున్నారు. వీటికి ఎక్కడా కూడా శాస్త్రీయ రుజువులు లేవంటున్నారు. అయితే, రతి సుఖం ఇద్దరికి ఆమోదంగా వుండాలని సలహా ఇస్తున్నారు.

ముఖ్యంగా బహిష్టు అయిన సమయంలో రతి చేయడం వల్ల ఆమెకు ఎంతో రిలీఫ్‌గా ఉంటుంది. శృంగారంలో పాల్గొన్న అనంతరం శరీరంలో ఎండార్ఫిన్లను రిలీజ్ చేసి హాయి అనే భావాన్నిస్తుందన్నది. అలాగే, రుతు సంబంధిత నొప్పులను కూడా మహిళకు తగ్గిస్తాయని చెపుతున్నారు. పీరియడ్స్ సమయంలో మంచి సుఖాన్ని అందిస్తే ఆమెలో ఉండే మనోవేదన, ఆందోళనలు, కోపం వంటివి ఆమెలో మటుమాయమై పోతాయని చెపుతున్నారు. రతిలో పడే శారీరక శ్రమ గర్భంలోని సంకోచ వ్యాకోచాలను పెంచి రక్త ప్రసరణ అధికం చేస్తుందన్నారు. జననేంద్రియాలన్నీ పూర్తిగా రక్తంతో నిండి ఉండటంతో ఆనందం మరింత అధికమై చక్కటి భావప్రాప్తి కూడా కలుగుతుందని అభిప్రాయపడుతున్నారు.

సాధారణంగా పిరీయడ్స్ వస్తోందంటే చాలు మహిళలో కామోద్రేకం ఎక్కువగానే కలుగుతుందట. దీనికి కారణం ఆమెలో చెలరేగే హార్మోన్ల ప్రభావమేనని చెపుతున్నారు. అయితే, రతి సమయంలో ఇన్‌ఫెక్షన్లు కాకుండా ఉండేందుకు కండోమ్‌ను వినియోగిస్తే మంచిదని సలహా ఇస్తున్నారు. అలాగే, మహిళ బహిష్టు అయితే, ఆమెను ముట్టరాదంటారు. దీనికి కారణం రక్త స్రావమే. అయితే, అది పెద్ద అడ్డంకి కాదంటున్నారు వైద్య నిపుణులు. పలు అధ్యయనాలు వెల్లడించిన ఫలితాల మేరకు పీరియడ్స్‌లో రతి చేయడం మంచిదేనని, ఈ రతి అనేది స్త్రీపురుషులిద్దరి ఇష్టం మేరకు జరగాలని సూచిస్తున్నారు.