మితిమీరిన శృంగారం వద్దు.. రోజుకోసారే ముద్దు!

Posted: 05/12/2015 01:30 PM IST

పెళ్లైన కొత్త దంపుతుల్లో సెక్సు కోరికలు గుర్రాలై ఉరకలేస్తూ వుంటాయి. సమయం దొరికితే చాలు.. ఎప్పుడెప్పుడు శృంగారంలో పాల్గొందామా.. అని అనుకుంటుంటారు. అలా అనుకోవడంలోనూ తప్పులేదులెండి..! వయస్సులో వున్నవారు కాబట్టి.. కోరికలు రంజుగానే వుంటాయి. దాంతో వీలుదొరికినప్పుడల్లా సెక్సులో పాల్గొంటుంటారు. కుదిరితే ఒక్కరోజులోనే కాస్త గ్యాప్ తీసుకుంటూ ఐదారు సార్లు కానిచ్చేస్తుంటారు. తమలో పరిగెడుతున్న కోర్కెలను అదుపు చేసుకోలేక.. ఆ కార్యంలోనే సమయం గడిపేస్తుంటారు.

మరికొన్ని జంటలైతే శృంగారకార్యాన్ని అంత సీరియస్ గా తీసుకోరు. ఏదో ఓ పని కానిచ్చేలా పైపెచ్చు సెక్సులో పాల్గొంటుంటారు. అది కూడా వారంలో ఓసారి, నెలకోసారి శృంగారంలో పాల్గొంటుంటారు. ఇంటి కార్యకలాపాలతోపాటు ఆఫీసు పని ఒత్తిడి కారణంగా జంటలు తమ దాంపత్య సుఖాన్ని అనుభవించలేకపోతున్నారు. దీంతో వారిమధ్య బంధాలు దూరంగా జరిగి విభేదాలు వస్తున్నాయి. తద్వారా రోజూ గొడవపడటమో, లేదా విడాకులు తీసుకోవడమో లాంటివే పరిష్కార మార్గంగా భావించి.. ఆ దిశగా దంపతులు ముందుకు సాగుతుంటారు.

అంటే.. జంటలు పైవిధంగా పేర్కొన్నట్లుగా రెండురకాలుగా వుంటారు. అలా కాకుండా ప్రతిరోజూ ఒక్కసారి సెక్సులో దంపతులు పాల్గొంటే నిత్యం ఆరోగ్యంగా వుంటారని ఆరోగ్య నిపుణులు వెల్లడిస్తున్నారు. అదీ కూడా రోజు మార్చి రోజు చేస్తే మరీ మంచిదట. రాత్రి సమయంలో ఆ క్రీడలో పాల్గొంటే భార్యాభర్తలిద్దరూ అమితానందాన్ని అనుభవించవచ్చునని వారు చెపుతున్నారు. అయితే.. పగటిపూడ రతిక్రీడకు దూరంగా ఉంటే కాస్త మంచిదేనని, తద్వారా ఎవరికీ ఇబ్బంది వుండదని వారు పేర్కొంటున్నారు.

రాత్రి సమయంలో చేసే సెక్స్‌లో కూడా మధ్యమధ్యలో గ్యాప్ తీసుకుని చేస్తే.. భాగస్వామిని మరింతగా సంతృప్తి పరచవచ్చు. అలాగే స్త్రీలలో కామోద్రేకాన్ని రెచ్చగొట్టే బాగాలను తాకుతూ, ముద్దాడుతూ ఈ క్రీడను కొనసాగిస్తే ఇద్దరూ పూర్తిగా ఈ క్రీడను అనుభవించవచ్చు. ఇలా చేస్తే.. సెక్సులో చాలాసమయం వరకు పాల్గొనవచ్చునని, తమలో దాగివున్న రంజైన కోర్కెలను పూర్తిగా తీర్చుకోవచ్చునని వారు సూచిస్తున్నారు. రాత్రిసమయంలో చేసే సెక్సులోనే భార్యాభర్తలు మంచి సుఖాన్ని అనుభవించగలరని అంటున్నారు.

అయితే.. రాత్రి భోజన చేసిన వెంటనే సెక్స్ చేయడం మంచిది కాదంటున్నారు. కనీసం రెండుగంటల తర్వాత సెక్సును ప్రారంభించాలని సూచిస్తున్నారు. ఇకపోతే.. భాగస్వామి బహిష్టు (రుతుక్రమం) సమయంలో ఉన్నపుడు వారితో సంభోగించకండి. తొలి నాలుగు రోజుల్లో కనీసం కండోమ్ ఉపయోగించి కూడా రతిక్రియ జరుపకూడదని హెచ్చరిస్తున్నారు. ఇలా చేస్తే వివిధ రకాల జబ్బులను కొని తెచ్చుకున్నట్టేని వారు అంటున్నారు.