ఆసియా చాంప్రియన్స్ ట్రోఫి: ఫైనల్స్ లోకి భారత్

Posted: 10/29/2016 06:09 PM IST

దేశ జాతీయ క్రీడలో కూడా భారత్ అద్భుతంగా రాణిస్తుంది. అంచనాలను తలకిందులు చేస్తూ.. సాగుతున్న ఆసియా చాంపియన్స్ ట్రోఫీ పురుషుల హాకీలో టీమిండియా ఏకంగా ఫైనల్స్ కు దూసుకెళ్లింది. ఈ టోర్నీలో అప్రతిహాత విజయాలతో సాగుతున్న భారత జట్టు టైటిన్ ను సొంతం చేసుకునేందుకు మరో అడుగుదూరంలో నిలిచింది. ఇవాళ మలేసియాలోని క్వాంటన్  వేదికగా జరిగిన సెమీ ఫైనల్లో భారత్  పెనాల్టీ షూటౌట్లో 5-4 తేడాతో గెలిచి ఫైనల్ బెర్తును ఖాయం చేసుకుంది. తొలి నాలుగు క్వార్టర్లు ముగిసే సరికి ఇరు జట్లు 2-2 తో సమంగా ఉండటంతో పెనాల్టీ షూటౌట్ అనివార్యమైంది.
 
ఇందులో భారత్ ఐదు గోల్స్ సాధించి ఫైనల్ కు చేరగా, కొరియా నాలుగు గోల్స్ కు మాత్రమే పరిమితమై టోర్నీ నుంచి నిష్క్రమించింది. 2011లో తొలిసారి జరిగిన ఈ టోర్నీలో విజేతగా నిలిచిన భారత్.. మరోసారి టైటిలే లక్ష్యంగా బరిలోకి దిగింది. లీగ్ దశను దిగ్విజయంగా అధిగమించిన భారత్.. అదే జోరును సెమీస్లో కూడా కనబరించింది.  కీలక ఆటగాళ్లు దూరమైనా భారత అభిమానులు పెట్టుకున్న అంచనాలను నిజం చేస్తూ ఫైనల్లోకి ప్రవేశించింది.