కెప్టెన్ ఒక్కడిదే కాదు.. ఆ క్రిడిట్ జట్టు మొత్తానిదీ..

Posted: 11/02/2016 06:47 PM IST

Bengaluru fc not completely dependent on sunil chhetri

తొలిసారిగా దేశీయ క్లబ్ జట్టు ఏఎఫ్ సీ ఫుట్ బాల్ టోర్నమెంటులోకి అడుగుపెట్టిన సందర్భంగా ఆ జట్టుకు ప్రశంసలు వెల్లివిరుస్తున్న క్రమంలో జట్టు కోచ్ అల్బర్ట్ రోకా సంచలన వ్యాఖ్యలు చేశారు. జట్టు ఫైనల్స్ లోకి దూసుకెళ్లడంపై ముఖ్యంగా కెప్టెన్ పై ప్రశంసలు కురుస్తున్న నేపథ్యంలో జట్టు కోచ్ జోక్యం చేసుకుని ఈ విజయం కెప్టెన్ ఒక్కడి ప్రతిభకు తార్కాణం కాదని, యావత్ జట్టు మొత్తానిదని ఏకంగా మీడియా సమావేశం పెట్టి మరీ చెప్పాడు.

తాము కేవలం ఒకే ఆటగాడి ప్రదర్శనపై ఎప్పూడు ఆధారపడి లేమని బెంగళూరు ఎఫ్సీ జట్టు కోచ్ అల్బర్ట్ రోకా స్పష్టంచేశాడు. జట్టు కెప్టెన్ సునీల్ ఛెత్రి రెండు అద్బుత గోల్స్ చేయడంతో బెంగళూరు జట్టు ఏఎఫ్ సీ చరిత్రలో తొలిసారిగా ఫైనల్లోకి దూసుకెళ్లడం వాస్తవమేనని, అయితే అందకు ఆటగాళ్లందరూ వారి శక్తిమేరకు ప్రతిభ కనబర్చారని చెప్పాడు. ఈ విజయం వెనుక జట్టులోని సహచర ఆటగాళ్లు, టెక్నికల్ స్టాఫ్ అందరి శ్రమ దాగి ఉందన్నాడు. సెమిఫైనల్స్ లో డిఫెండింగ్ చాంపియన్ జోహర్ దరుల్ టాజిమ్ పై 3-1 గోల్స్ తేడాతో బెంగళూరు నెగ్గింది.

భారత కెప్టెన్ సునీల్ ఛెత్రి వల్లే బెంగళూరు ఫైనల్ చేరిందని వస్తున్న కామెంట్లపై ఆ టీమ్ కోచ్ అల్బర్ట్ రోకా తీవ్రస్థాయిలో స్పందించాడు. ఏఎఫ్ సీ కప్ ఫైనల్లోకి ఓ భారత జట్టు ప్రవేశించడం ఇదే తొలిసారి. ఛెత్రి కెప్టెన్సీలో ఆటగాళ్లందరూ రాణించడం వల్ల బెంగళూరు నెగ్గిందనీ.. అంతేకానీ వన్ మ్యాన్ షో అని అనడం సరికాదని సూచించాడు. మరోవైఫు ఫైనల్స్ చేరిన ఇరాక్ జట్టు ఎయిర్ ఫోర్స్ ఎఫ్సీ ఈ టోర్నీలో 26 గోల్స్ చేసిందని, ముందు ఆ విషయంపై తమ జట్టు ఫోకస్ చేస్తోందని బెంగలూరు కోచ్ రోకా వివరించారు.