కుటుంబానికి ఊరటనిచ్చిన పేస్ చారిత్రాత్మక విజయం

Posted: 09/13/2015 09:09 PM IST

యూఎస్ ఓపెన్ గ్రాండ్ స్లామ్ టోర్నీ ఇండియన్ స్టార్ షెట్లర్ లిమాండర్ పేస్ జోడీ టైటిల్ ను కైవసం తమ కుటుంబానికి పెద్ద ఊరటనిచ్చిందని పేస్ తండ్రి వీస్ పేస్ అన్నారు. మిక్స్డ్ డబుల్స్ విభాగంలో లియాండర్ పేస్, స్విట్జర్లాండ్ క్రీడాకారిణి  మార్టినా హింగిస్ జోడీ మంచి సామర్థ్యమున్న జోడీగా మరోమారు రుజువు చేశారని ఆయన అన్నారు. ఈ ఏడాదిలో మూడు గ్రాండ్ స్లామ్ టైటిళ్లను దక్కించుకుని వీరు చారిత్రాత్మకమైన రికార్డును నమోదు చేశారని వీస్ పేస్ అభిప్రాయపడ్డారు. మునుముందు మరిన్నీ టైటిళ్లను ఈ జోడి సాధిస్తుందన్న అత్మవిశ్వాసాన్ని ఆయన వ్యక్తం చేశారు.

నిన్న జరిగిన ఫైనల్స్ మ్యాచ్లో 6-4, 3-6, 10-7 తేడాతో అమెరికా జోడీ సామ్ కెర్రీ - బెథానీ మాటెక్ లపై పేస్ హింగిస్ ల జోడీవిజయం సాధించిన తరువాత వీస్ పేస్ మీడియాతో మాట్లాడుతూ ఇలా స్పందించారు. లియాండర్ పేస్ యూఎస్ ఓపెన్ లో విజయం సాధించడం తమ కుటుంబానికి కూడా పెద్ద ఊరటనిచ్చిందని ఆయన చెప్పుకోచ్చారు. యూఎస్ ఓపెన్ లో గెలుపోందేందుకు లియాండ్ పేస్ చాలా శ్రమించారని, ఇందుకోసం సర్వ శక్తులను ఒడ్డి శ్రమించాడని.. ఇప్పుడాయన సాధించిన వియజంతో తమ కుటుంబానికి పెద్ద ఊరట లభించినట్లుందని ఆయన తెలిపారు.

జి. మనోహర్