వరుసగా పరాజయాలను ఎదుర్కొంటూ ఇన్నాళ్లవరకు భారతీయ అభిమానులను నిరాశపరిచిన సైనానెహ్వాల్... ఎంతోకష్టతరమైన చైనా ఓపెన్ టైటిల్ ను సొంతం చేసుకుని సరికొత్త రికార్డు సృష్టించిన విషయం తెలిసిందే! ఇందులో ప్రపంచ దిగ్గజ బ్యాడ్మింటన్ స్టార్ అయిన జపాన్ క్రీడాకారిణిని అకానెను ఎంతో సునాయాసంగా ఓడించింది. దాదాపు 42 నిముషాలపాటు జరిగిన ఆ మ్యాచులో సైనా 21-12, 22-20 స్కోరుతో అకానెపై విజయం సాధించింది. ఈమె సాధించిన ఈ విజయాన్ని భారతీయ అభిమానులతోపాటు బ్యాడ్మింటన్ ప్రముఖులు సంబరాలు చేసుకున్నారు.
అయితే సైనా ఇంతటి భారీ విజయం అందుకోవడం వెనుక గల కారణాలను బయటపెట్టేసింది. అసలు తానీ టైటిల్ ను గెలుచుకునేదానిని కాదని.. అనుకోకుండా బరిలోకి దిగిన అనంతరం తానీ విజయం సాధించుకోగలిగానని.. ఈ విజయం వెనుక ఒక వ్యక్తి సలహాలు వున్నాయని అమ్మడు పేర్కొంటోంది. ఈ విషయాల గురించే సైనా మాట్లాడుతూ.. ‘నిజానికి నేను చైనా ఓపెన్ ఆడాలని అనుకోలేదు. ఫ్రెంచ్ ఓపెన్ తర్వాత ట్రైనింగ్కు సమయం సరిపడా లేదు. కానీ కోచ్ విమల్ కుమార్ ఈ సూపర్ సిరీస్ ఆడాల్సిందేనని నన్ను ఒత్తిడి చేశారు. వరుసగా ఓటములతో సతమతమవుతున్న నన్ను.. ఈ టోర్నీలో గెలుస్తానన్న నమ్మకాన్ని పెంచి ఆడేందుకు ఉత్సాహపరిచాడు. ఆయన చెప్పడం వల్లే నేను బరిలోకి దిగి, టైటిల్ ని సాధించుకోగలిగాను’’ అని అంటోంది. అమ్మడు.
అలాగే తాను సాధించిన విజయం గురించి మాట్లాడుతూ.. ‘‘ చైనా ఓపెన్ గెలుస్తానని ఎప్పుడూ అనుకోలేదు. ఎందుకంటే అన్ని టోర్నీల్లోకి ఇది చాలా క్లిష్టం. ఓ రకంగా ఇది కల నిజమైన క్షణం. నా జీవితాంతం గుర్తుండిపోయే విజయం ఇది. ఈ ఆటలో నాతో కలిసి కష్టపడినందుకు విమల్ సర్కు కృతజ్ఞతలు. నా ఆటలో కొంత వైవిధ్యం తెచ్చేందుకు ఆయన ప్రయత్నించారు’’ అని పేర్కొంది. గతంలో గోపీచంద్ శిష్యురాలిగా చాలాకాలం వరకు కొనసాగిన సైనా.. అప్పట్లో కొన్ని విభేదాల కారణంగా ఆయనతో విడిపోయిన విషయం తెలిసిందే! అతని నుంచి దూరమైన అనంతరం కోచ్ విమల్ దగ్గర శిక్షణ పొందుతోంది. ఆయన దగ్గర శిక్షణ పొందుతున్నందుకు తాను సంతోషంగా వుందని... ఇక ఆయనతోనే కొనసాగుతానని వెల్లడించింది. అంటే.. గోపీతో కలిసే అవకాశాలు ఇక లేనట్టే!
AS
(And get your daily news straight to your inbox)
Aug 16 | ఆల్ ఇండియా ఫుట్బాల్ ఫెడరేషన్ (ఏఐఎఫ్ఎఫ్)ని ఫిఫా సస్పెండ్ చేసింది. ‘‘థర్డ్ పార్టీల నుంచి ‘అనవసరమైన ప్రభావం’ ఉన్న కారణంగా ఆల్ ఇండియా ఫుట్బాల్ ఫెడరేషన్ను తక్షణమే సస్పెండ్ చేయాలని ఫిఫా (ఎఫ్ఐఎఫ్ఏ) కౌన్సిల్... Read more
Jul 29 | కామన్వెల్త్ క్రీడల్లో భారత బాక్సర్లకు శుభారంభం దక్కింది. భారత్ ఆడిన తొలి బాక్సింగ్ బౌట్లో భారత్ విజయాన్ని దక్కించుకుంది. లైట్ వెల్టర్ వెయిట్ (60 కేజీ- 63.5 కేజీలు) విభాగంలో జరిగిన బౌట్లో భారత... Read more
May 28 | ప్రముఖ జిమ్నాస్ట్ అరుణ బుద్ధారెడ్డి తన కోచ్ పై సంచలన ఆరోపణలు చేశారు. తన అనుమతి లేకుండా శారీరక సామర్థ్య (ఫిజికల్ ఫిట్ నెస్) పరీక్షను వీడియో తీశారంటూ ఆయనపై అభియోగాలు మోపారు. జిమ్నాస్టిక్స్... Read more
May 27 | ప్రపంచ మహిళల బాక్సింగ్ ఛాంపియన్షిప్ బంగారు పతాక విజేత నిఖత్ జరీన్.. హైదరాబాద్కు చేరుకుంది. తొలిసారి తెలంగాణకు వచ్చిన నేపథ్యంలో ఆమెకు తెలంగాణ సర్కార్ ఘనస్వాగతం పలికింది. ముఖ్యమంత్రి కేసీఆర్ ఆదేశాలతో శంషాబాద్ ఎయిర్పోర్ట్లో... Read more
Dec 17 | బ్యాడ్మింటన్ ప్రపంచ ఛాంపియన్ షిప్ లో భారత షెట్లర్, తెలుగు తేజం కిదాంబి శ్రీకాంత్ అరుదైన ఫీట్ ను తన ఖాతాలో వేసుకున్నాడు. ప్రపంచ ఛాంపియన్ షిప్ లో శ్రీకాంత్ పతకం ఖాయం చేసుకున్నాడు.... Read more