మైదానంలో ఉన్నా.. అభిమాని బీర్ కు చీర్స్ చెప్పిన కివీస్ బ్యాట్స్ మెన్

Posted: 06/11/2022 04:40 PM IST

Eng vs nz cheers daryl mitchell makes a splash with a six into fan s beer glass

న్యూజిలాండ్ క్రికెట‌ర్ డారెల్ మిచ్చెల్ తాను మైదానంలో ప్రత్యర్థి జట్టుతో క్రికెట్ అడుతుండగా.. అదే మైదానం నుంచి క్రికెట్ వీక్షిస్తున్న అభిమాని బీర్ తాగుతుండటంతో ఆయన చీర్స్ చెప్పాడు. అదేంటి మైదనంలో క్రికెట్ అడుతున్న వ్యక్తి ఆ అభిమానికి ఎలా చీర్స్ చెప్పాడంటారా.? అయితే చేయితో.. లేదా సైగలతో కాదు.. ఏకంగా తనదైన స్టైల్లో ఫ్యాన్ కు చీర్స్ చెప్పి నిరుత్సాహపర్చాడు. అదేంటి క్రికెటర్ చీర్స్ చెబితే నిరుత్సాహపడటం ఏంటంటారా.? అక్కడికే వస్తున్నాం. అయితే అల్ రౌండర్ మిచ్చెల్ తనదైన స్టైల్లో ప్రత్యర్థి ఇంగ్లాండ్ బౌలర్ వేసిన బంతిని బౌండరీకి తరలించాడు. ఇక ఆ వెంటనే మరో బంతిని సిక్స్ గా మలిచాడు.

సరే కానీ చీర్స్ ఎలా చెప్పాడంటారా.? తాను సిక్స్ కోట్టిన బంతి నేరుగా అభిమాని బీర్ గ్లాసులోకి వెళ్లి పడింది. ఇంకేముంది బీర్ చిల్లింది.. గ్లాసు పగిలింది. ఇలా క్రికెటర్ చీర్స్ చెప్పి అభిమాని బీరు నేలపాలు చేశాడు. దీంతో అభిమాని కూడా నిరుత్సాహపడ్డాడు. అయితే ఆ తరువాత కోలుకుని ఈ సిక్స్ తో తనకు వచ్చిన గుర్తింపు అసాధారణమని గుర్తించాడు. ఇంగ్లండ్‌తో రెండ‌వ టెస్టులో ఈ ఘ‌ట‌న జ‌రిగింది. టాప్ ఫామ్‌లో ఉన్న మిచ్చెల్‌.. 56వ ఓవ‌ర్‌లో భారీ షాట్ కొట్టాడు. జాక్ లీచ్ బౌలింగ్‌లో ముంద‌కు వ‌చ్చి మ‌రీ సిక్స‌ర్ బాదాడు. అయితే ఆశ్చ‌ర్య‌క‌ర‌రీతిలో ఆ బంతి లాంగ్ ఆన్ మీదుగా వెళ్లి ప్రేక్ష‌కుల స్టాండ్‌లో ప‌డింది.

ఏకంగా ఆ బంతి ఓ మ‌హిళా అభిమాని బీర్ గ్లాస్‌లో ప‌డ‌డంతో ఆ గ్లాస్‌లో ఉన్న బీరంతా చిల్లిపోయింది. మ్యాచ్‌ను ప్ర‌సారం చేస్తున్న కెమెరాల‌కు ఈ ఘ‌ట‌న చిక్కింది. బంతి నుంచి త‌ప్పించుకునేందుకు ప్రేక్ష‌కుల ప్ర‌య‌త్నిస్తున్న స‌మ‌యంలో.. ఆ బంతి నేరుగా వెళ్లి బీర్ గ్లాస్‌లో ప‌డ‌డంతో న‌వ్వులు విరిశాయి. ఇక కామెంటేట‌ర్లు కూడా తమ వ్యాఖ్య‌ల‌తో ఆక‌ట్టుకున్నారు. రెండ‌వ టెస్టు తొలి రోజు న్యూజిలాండ్ 4 వికెట్ల‌కు 318 ర‌న్స్ చేసింది. మిచ్చెల్ 81 ర‌న్స్‌తో నాటౌట్‌గా నిలిచాడు.