ప్లేఆఫ్స్ కు పంజాబ్ దూరం.. శిఖ‌ర్ ధావ‌న్‌ను చిత‌క్కొట్టిన తండ్రి..

Posted: 05/27/2022 09:00 PM IST

Shikhar dhawan gets knocked out by father after punjab kings fail to qualify for playoffs

ఇండియన్ ప్రీమియర్ లీగ్ లో ఈ యేటి సీజ‌న్‌లో శిఖ‌ర్ ధావ‌న్ సూప‌ర్ షో క‌న‌బ‌రిచాడు. అయినా తాను ప్రతినిథ్యం వహించిన పంజాబ్ కింగ్స్ జ‌ట్టు మాత్రం ప్లేఆఫ్స్‌కు అర్హ‌త సాధించ‌లేకపోయింది. శిఖ‌ర్ ధావ‌న్ 38.3 స‌గ‌టుతో 14 మ్యాచుల్లో పంజాబ్ త‌ర‌పున‌ 460 పరుగులు చేశాడు. జట్టు మొత్తం ప్లేఆఫ్స్ కు వెళ్లకపోయినా తన కుమారుడు మాత్రం ఆటలో చక్కగా రాణించాడని ఆయన తండ్రి అనుకోలేదు. పంజాబ్ జ‌ట్టు నాకౌట్ ద‌శ‌కు చేర‌క‌పోవ‌డంతో ధావ‌న్ తండ్రి సీరియ‌స్ అయ్యాడు. ధావన్ ను చితక్కోట్టాడు. ఇందుకు సంబంధించిన వీడియోను ధావ‌న్ త‌న ఇన్‌స్టాలో షేర్ చేశాడు.

ఆ వీడియోలో ధావ‌న్‌ను అత‌ని తండ్రి కొడుతున్న‌ట్లుగా కనిపిస్తోంది. కిందపడిన థామన్ ను తన కాలితోనూ తంతున్నట్లు కనిపించింది. ఇక ఇంట్లో ఉన్న వాళ్లు ధావ‌న్ తండ్రిని అడ్డుకుంటున్న‌ట్లు ఆ వీడియోలో చూపించారు. అయితే ఎప్పుడు స‌ర‌దా వీడియోలు పోస్టు చేసే ధావ‌న్ ఈసారి కూడా ఇలా త‌న అభిమానుల్ని అట్రాక్ట్ చేస్తున్నాడు. త‌మ జ‌ట్టు నాకౌట్ ద‌శ‌కు క్వాలిఫై కాలేద‌ని త‌మ తండ్రి ఇలా కొడుతున్నార‌ని త‌న వీడియోకు ధావ‌న్ ఓ ట్యాగ్ పోస్టు చేశాడు. స‌ర‌ద‌గా సాగిన ఆ వీడియోకు చాలా మంది రియాక్ట్ అవుతున్నారు. మాజీ స్పిన్న‌ర్ హ‌ర్భ‌జ‌న్, పంజాబ్ టీమ్ ప్లేయ‌ర్ హ‌ర్‌ప్రీత్ బ్రార్ రియాక్ట్ అయ్యారు. ఈసారి ఐపీఎల్ జాబితాలో పంజాబ్ జ‌ట్టు ఆర‌వ స్థానంలో ఉంది.