క్రీడా ప్రేమికులు తమ అభిమాన జట్టు ఆటను వీక్షిస్తూ స్టేడియంలోనే ప్రపోజ్ చేయడం వారికి క్రీడతో పాటు తమ ప్రేయసిపై కూడా వున్న ప్రేమను తెలియజేస్తోంది. అందుకనేమో.. ఈ మధ్య ఇలాంటి సన్నివేశాలు బాగానే క్రీడల్లో కనిపిస్తున్నాయి. తాజాగా అలాంటి ఘటనే ఒకటి బ్రిస్బేన్ లోని గబ్బా స్టేడియంలో జరిగింది. సర్వసాధారణంగా ఒకే దేశానికి చెందిన క్రీడాభిమానులు తమ ప్రేమను చాటుకోవడం ఇన్నాళ్లు చూశాం.. కానీ తాజాగా ప్రత్యర్థి జట్ల అభిమానులైన ఇద్దరు ప్రపోజ్ చేసుకోవడం, స్టాండ్స్లో ఉన్న ఫ్యాన్స్ వారిని ప్రోత్సహించడం అందరి దృష్టిని ఆకర్షించింది.
ఇందుకు సంబంధించిన వీడియో సామాజిక మాధ్యమాలను చుట్టేస్తోంది. యాషెస్ సిరీస్లో భాగంగా ఆస్ట్రేలియా-ఇంగ్లండ్ జట్ల మధ్య ఇక్కడ తొలి టెస్టు జరుగుతోంది. మూడో రోజైన నేడు ఇంగ్లండ్కు చెందిన ఓ యువకుడు ఆస్ట్రేలియా గాళ్ ఫ్రెండ్కు ప్రపోజ్ చేశాడు. మొదట అతడి వంక ఆశ్చర్యంగా చూసిన అమ్మాయి.. అనుమతి ఇచ్చేందుకు ఎక్కువ సమయం ఏమీ తీసుకోలేదు. ఆ వెంటనే ముద్దులు, కౌగిలింతలతో స్టేడియం హోరెత్తిపోయింది. మ్యాచ్ను చిత్రీకరిస్తున్న కెమెరాలు ఒక్కసారిగా అటువైపు తిరిగాయి. స్టాండ్స్లోని అభిమానులు కూడా వారిని మరింత ఉత్సాహపరిచారు. కరతాళ ధ్వనులతో వారికి శుభాకాంక్షలు తెలిపారు.
యాషెస్ సందర్భంగా గబ్బాలో ఇలాంటి ప్రపోజల్ రావడం ఇదే రెండోసారి. 2017లోనూ ఓ జంట ఇలానే తమ ప్రేమను చాటుకుని మరో మెట్టు ఎక్కించారు. తాజా విషయానికి వస్తే మైఖేల్ అనే యువకుడు మోకాళ్లపై కూర్చుని టోరీ అనే యువతిని పెళ్లి చేసుకుంటావా? అని అడిగాడు. ఆ దృశ్యాన్ని చూసి ఆమె క్షణకాలం పాటు నమ్మలేకపోయింది. ఆ వెంటనే తేరుకుని ఓకే చెప్పడంతో అతడి ఆనందానికి హద్దే లేకుండా పోయింది. వెంటనే తన చేతిలో ఉన్న ఉంగరాన్ని ఆమె చేతికి తొడిగాడు. వారి చుట్టూ ఉన్న అభిమానులు కూడా వారిని మరింత ఉత్సాహ పరచడంతో స్టాండ్స్ కేరింతలతో దద్దరిల్లింది.
ఇక, మ్యాచ్ విషయానికి వస్తే.. ఇంగ్లండ్ తన తొలి ఇన్నింగ్స్లో 147 పరుగుల స్వల్ప స్కోరుకే ఆలౌట్ అయింది. హసీబ్ హమీద్ (25), ఒల్లీ పోప్ (35), జోస్ బట్లర్ (39), క్రిస్ వోక్స్ (21) మినహా మిగతా వారిలో ఎవరూ రెండంకెల స్కోరు కూడా సాధించలేకపోయారు. ఆస్ట్రేలియా తన తొలి ఇన్నింగ్స్లో 425 పరుగులకు ఆలౌట్ అయింది. ట్రావిస్ హెడ్ ఇంగ్లండ్ బౌలర్లను దంచికొట్టి 152 పరుగులు సాధించగా, ఓపెనర్ వార్నర్ 94 పరుగులు చేసి ఆరు పరుగుల తేడాతో సెంచరీ చేజార్చుకున్నాడు. రెండో ఇన్నింగ్స్ ప్రారంభించిన ఇంగ్లండ్ 2 వికెట్ల నష్టానికి 103 పరుగులు చేసింది.
She said yes! How good! pic.twitter.com/Mc7erNaeYO
— 7Cricket (@7Cricket) December 10, 2021
(And get your daily news straight to your inbox)
Sep 27 | టీమిండియా జట్టుకు వరుస సంతోషాలు సొంతం అవుతున్నాయి. ప్రపంచ చాంపియన్ ఆస్ట్రేలియాపై టి20 సిరీస్ను గెల్చుకున్న టీమిండియాకు.. ఆ వెంటనే అంతర్జాతీయ క్రికెట్ కౌన్సిల్ (ఐసీసీ) విడుదల చేసిన జట్టు ర్యాంకింగ్స్లోనూ టీమిండియా జట్టు... Read more
Sep 27 | ఇంగ్లండ్ పర్యటనలో అతిధ్య జట్టును వారి సోంతగడ్డపైనే ఓడించి సిరీస్ ను కైవసం చేసుకున్న టీమిండియా.. జోష్ కొరవడింది. అందుకు కారణం మూడవ మ్యాచులో షార్లట్ డీన్ రనౌట్ అసంబద్దమైనదని బౌలర్ దీప్తిశర్మ సహా... Read more
Sep 27 | ఇంగ్లండ్, భారత్ మహిళల మ్యాచ్లో దీప్తి శర్మ చేసిన రనౌట్ వివాదాస్పదమైన సంగతి తెలిసిందే. అప్పటికే 9 వికెట్లు కోల్పోయిన ఇంగ్లండ్ను గెలిపించేందుకు ప్రయత్నిస్తున్న షార్లెట్ డీన్.. నాన్స్ట్రైకర్ ఎండ్లో ఉండగా దీప్తి శర్మ... Read more
Sep 22 | తెలుగువాళ్లు అన్నీరంగాల్లోనూ బాగా రాణిస్తున్నారు. విద్యా, వ్యాపార, వాణిజ్య, సినీ, రాజకీయ రంగాలతో పాటు ఇందుగలడు అందులేడన్న సందేహము వలదు ఎందెందు వెతికినా అందుగలడు తెలుగువాడు అన్నట్టుగా ఏ రంగంలో చూసినా తెలుగువారు తమ... Read more
Sep 17 | టీమిండియా క్రికెటర్ వెంకటేశ్ అయ్యర్ పెను ప్రమాదం నుంచి తప్పించుకున్నాడు. టీమిండియాతో పాటు ఐపీఎల్ లోనూ తన సత్తా చాటిన ఈ క్రికెటర్.. దులీప్ ట్రోఫీలో సెంట్రల్ జోన్ జట్టుకు ఆడుతుండగా అతనికి పెను... Read more