ఐసీసీ టెస్టు ర్యాంకింగ్స్: 2వ స్థానంలో భారత్

Posted: 02/16/2021 04:36 PM IST

పర్యాటక జట్టు ఇంగ్లండ్ తో చెన్నై వేదికగా జరిగిన రెండో టెస్టులో టీమిండియా ఘనవిజయం సాధించింది. పర్యాటక జట్టుపై ఏకంగా 317 పరుగుల భారీ తేడాతో నెగ్గిన టీమిండియా ఐసీసీ వరల్డ్ టెస్టు చాంపియన్ షిప్ లో రెండోస్థానానికి దూసుకెళ్లింది. చెన్నైలో ఇంగ్లండ్ పై గెలిచి 4 టెస్టుల సిరీస్ ను 1-1తో సమం చేసిన కోహ్లీ సేన వరల్డ్ టెస్టు చాంపియన్ షిప్ జాబితాలో తన స్థానాన్ని మరింత మెరుగుపర్చుకుంది. తొలి టెస్టులో విజయం సాధించిన ఇంగ్లాండ్ జట్టు రెండో టెస్టులో ఓటమి కావడంతో పాయింట్ల పట్టికలో నాలుగోస్థానానికి పడిపోయింది.

కాగా, టెస్టు చాంపియన్ షిప్ జాబితాలో న్యూజిలాండ్ అగ్రస్థానంలో ఉంది. ఆ జట్టు ఇప్పటికే ఫైనల్ బెర్తు ఖరారు చేసుకుంది. న్యూజీలాండ్ తన ఖాతాలో 420 పాయింట్లతో అగ్రస్థానంలో వుండగా, మరో బెర్తు కోసం భారత్, అస్ట్రేలియా జట్ల మధ్య గట్టిపోటీ నెలకొంది. టీమిండియా జట్టు ఈ చాంపియన్ షిప్ ఫైనల్ కు చేరాలంటే సిరీస్ లో మిగిలిన రెండు టెస్టుల్లోనూ విజయం సాధించాల్సి ఉంటుంది. అలా సాధ్యం కాని పక్షంలో ఒక్క మ్యాచ్ గెలిచి మరో మ్యాచ్ డ్రా చేసుకున్నా ప్రపంచ టెస్టు ఛాంపియన్ ఫైనల్ జాబితాలో స్థానాన్ని నిలుపుకుంటుంది.

ఈ సిరీస్ ను టీమిండియా గానీ, ఇంగ్లండ్ గానీ 3-1 తేడాతో గెలిస్తే, గెలిచిన జట్టు ఫైనల్లో న్యూజిలాండ్ తో తలపడుతుంది. అలా కాకుండా 2-2తో గానీ, 1-1తో గానీ సిరీస్ సమం అయినా, 2-1తో ఇంగ్లండ్ గెలిచినా... భారత్, ఇంగ్లండ్ జట్లలో ఏ ఒక్కటీ ఫైనల్ చేరకపోగా.... ఫైనల్లో న్యూజిలాండ్ తో ఆస్ట్రేలియా ఆడుతుంది. ప్రస్తతం టీమిండియా అరో ప్రపంచ టెస్టు చాంఫియన్ షిప్ లో ఆరవ సిరీస్ అడుతోంది. ఈ సిరీస్ లో ఇప్పటికే పది మ్యాచులలో విజయాన్ని అందుకున్న భారత్.. నాలుగు మ్యాచులను ఓడిపోయింది. ఒక్క మ్యాచ్ ను మాత్రం డ్రాగా ముగించింది. ఈ విజయంతో టెస్టు ర్యాంకింగ్ లలో అశ్విన్ అటు అల్ రౌండర్ జాబితాలో ఆరవ స్థానంలోనూ.. ఇటు బౌలర్ల జాబితాలోనే ఏడో స్థానంలో కొసాగుతున్నారు.