టీ20లకు అసీస్ ప్రధాన పేసర్ దూరం..

Posted: 09/22/2017 09:00 PM IST

టీమిండియాతో టీ20 మ్యాచ్ సిరీస్ కు ముందుగానే అస్ట్రేలియా క్రికెట్ జట్టుకు ఎదురీత తప్పడం లేదు. ప్రస్తుతం ఆ జట్టుకు ప్రధాన పేసర్ గా సేవలందిస్తున్న ప్యాట్ కమిన్స్.. టీమిండియాతో జరిగే మూడు ట్వంటీ 20 సిరీస్ కు దూరం కానున్నాడు. త్వరలో యాషెస్ సిరీస్ ఆరంభం కానున్న నేపథ్యంలో ప్యాట్ కమిన్స్ కు విశ్రాంతి నివ్వాలని క్రికెట్ ఆస్ట్రేలియా నిర్ణయం తీసుకుంది. ఇందులో భాగంగా టీమిండియాతో టీ 20 సిరీస్ నుంచి అతన్ని తప్పించింది. భారత్ తో నాగ్పూర్ లో జరిగే చివరి వన్డే తరువాత కమిన్స్ స్వదేశానికి పయనం కానున్నట్లు క్రికెట్ అస్ట్రేలియా వెల్లడించింది.

గతంలో ఇదే తరహా నిర్ణయాన్ని మిచెల్ జాన్సన్ విషయంతో తీసుకున్న క్రికెట్ అస్ట్రేలియా.. ఆ తరువాత యాషెస్ సిరీస్ లో అతను ఏకంగా 37 వికెట్లను తీసుకున్నారు. దీంతో అదే తరహాలో ప్యాట్ కమిన్స్ కూడా విశ్రాంతిని కల్పించిన పక్షంలో అతను కూడా యాషెస్ సిరీస్ లో ప్రత్యర్థుల వికెట్లను తీసుకోవడంలో సఫలీకృతుడవుతాడని భావించి ఈ మేరకు నిర్ణయాన్ని తీసుకుంది.

కమిన్స్ కు భారత్ తో జరిగే ట్వంటీ 20 సిరీస్ నుంచి విశ్రాంతిని కల్పిస్తున్నాం. అతన్ని సాధ్యమైనంత వరకూ గాయపడకుండా చూసుకోవడం తమ బాధ్యత అని చెప్పుకోచ్చారు. మా బాధ్యత. దానిలో భాగంగా అతనికి విశ్రాంతి ఇవ్వాలని తమకు సెలక్టర్లు నిర్ణయించారని సీఏ వర్గాలు తెలిపాయి. అక్టోబర్ లో ఆరంభమయ్యే షెఫల్డ్  ఫీల్డ్ సీజన్ కు  నూతనోత్తేజంతో బరిలోకి దింపాలనే యోచనలో భాగంగానే అతనికి విశ్రాంతిని కల్పిస్తున్నాం. వన్డే సిరీస్ తరువాత కమిన్స్ ఆసీస్ కు వెళతాడని సీఏ స్పష్టం చేసింది.