శ్రీలంక టూర్: మురళీ విజయ్ స్థానంలో శిఖర్ థావన్

Posted: 07/17/2017 06:54 PM IST

శ్రీలంక పర్యటనకు వెళ్లే టీమిండియా క్రికెట్ జట్టులో ఓపెనర్ శిఖర్ ధావన్ కు అనూహ్యంగా చోటు లభించింది. మణికట్టు గాయంతో బాధపడుతున్న మురళీ విజయ్ స్థానంలో ధావన్ ను ఎంపిక చేస్తూ భారత క్రికెట్ నియంత్రణ మండలి సెలక్షన్ కమిటీ నిర్ణయం తీసుకుంది. ఇటీవల శ్రీలంకకు పర్యటనలో భాగంగా భారత జట్టును ప్రకటించారు. ఆ జట్టులో టెస్టులకు గాను ఓపెనర్ మురళీ విజయ్ ఊహించినట్లుగానే స్తానం దక్కించుకున్నాడు.

అయితే ఆయన గాయం పూర్తిగా నయం కాని నేపథ్యంలో మురళీ విజయ్ స్థానంలో శిఖర్ థావన్ ను ఎంపిక చేశారు. దాదాపు మూడు నెలల క్రితం మురళీ విజయ్ తన మణికట్టుకు శస్త్రచికిత్స చేయించుకున్నాడు. దీంతో శిఖర్ ధావన్ కు అనూహ్యంగా శ్రీలంక పర్యటనలో స్థానం లభించింది. ఈ సిరీస్‌లో భాగంగా ఈ నెల 26 నుంచి గాలేలో తొలి టెస్టు జరుగుతుంది. 

ఈ ద్వైపాక్షిక సిరీస్ లో మూడు టెస్టులు, ఐదు వన్డేలు, ఒక ట్వంటీ 20 జరుగనుంది.  ఇలా ఇరు జట్ల మధ్య మూడు ఫార్మాట్లలో సిరీస్ జరగడం ఎనిమిదేళ్ల తరువాత ఇదే మొదటిసారి. 2009లో భారత్ లో శ్రీలంక పర్యటించింది. అప్పుడు మూడు టెస్టుల సిరీస్ తో పాటు, ఐదు వన్డేల సిరీస్, రెండు ట్వంటీ 20ల సిరీస్‑లు ఇరు జట్ల మధ్య జరిగాయి. అది ఇరు జట్ల మధ్య జరిగిన పూర్తిస్థాయి చివరిసిరీస్.  రెండేళ్ల క్రితం శ్రీలంకలో భారత్ పర్యటించినప్పటికీ టెస్టు సిరీస్, వన్డే సిరీస్ మాత్రమే జరిగింది.