మే 1న ఫూణే తో అక్కడే తలపడనున్న ముంబై

Posted: 04/21/2016 07:41 PM IST

మహారాష్ట్రలోని తీవ్రవైన నీటి ఎద్దటి కారణంగా కరువు పట్టి పీడిస్తుందని, ఈ నేపధ్యంలో అక్కడ ఏప్రిల్ 30 తరువాత ఎలాంటి ఇండియన్ ప్రీమియర్ లీగ్ మ్యాచ్ లను అనుమతించేది లేదని తేల్చిచెప్పిన బొంబే హైకోర్టు తీర్పును వెలువరించిన తరుణంలో.. మే 1న జరిగే ఐపీఎల్ మ్యాచ్ కు మాత్రం నిర్ధేశిత పూణేలో అడేందుకు అనుమతించాలని బిసిసిఐ వేసిన పిటీషన్ పై విచారించిన న్యాయస్థానం అనుమతిని ఇచ్చింది, దీంతో మే 1 ముంబయి ఇండియన్స్‌, రైజింగ్‌ పుణె సూపర్‌ జెయింట్స్‌ జట్ల మధ్య జరిగే ఐపీఎల్‌ మ్యాచ్‌ను పుణెలో నిర్వహించనున్నారు.

మహారాష్ట్రలో పలు ప్రాంతాల్లో చుక్క నీరు కూడా దొరకని పరిస్థితి ఏర్పడటం.. దీనికి తోడు ఐపీఎల్ మ్యాచ్ నిర్వహణతో లక్షల లీటర్ల నీరు వృధా చేస్తున్నారని.. ఆ మ్యాచ్‌లను రద్దు చేయాలని కోర్టులో దాఖలైన ప్రజాప్రయోజన వ్యాజ్యాన్ని విచారించిన న్యాయస్థానం ఏప్రిల్‌ 30 తర్వాత మహారాష్ట్రలో జరిగే అన్ని మ్యాచ్‌లను ఇతర వేదికలకు మార్చాలని ఆదేశించింది. అయితే తక్కువ వ్యవధిలో మ్యాచ్‌లు మరో వేదికకు మార్చడం కష్టతరం కావడంతో మే 1న జరిగే మ్యాచ్‌ను పుణెలో నిర్వహించేందుకు అనుమతించాలని బీసీసీఐ హైకోర్టును కోరింది. దీనికి కోర్టు అనుమతించింది. ఈ కేసులో తదుపరి విచారణ మే 2న జరగనుంది.

జి, మనోహర్