అభిమానుల అంచనాలను అందుకుందాం..

Posted: 03/22/2016 09:03 PM IST

India needs to improve the run rate besides winning says ms dhoni

వరల్డ్ టీ 20కు ముందు వరుస విజయాలు అసియా కప్ టైటిల్ సాధించి హాట్ ఫేవరెట్గా బరిలోకి దిగినా అందుకు తగిన ఆట తీరును కనబరచకపోవడం టీమిండియా కెప్టెన్ మహేంద్ర సింగ్ ధోని ఆందోళన వ్యక్తం చేశాడు. ప్రపంచకప్ లో ప్రారంభ మ్యాచ్ లోనే న్యూజీలాండ్ చేతిలో ఓటమి కావడం, ఆ తరువాత రన్ రేట్ లో మిగతా జట్లతో సరిసమానంగా కోనసాగడంతో.. ఇకనైనా జట్టు సమష్టిగా పోరాడి విజయాలను సాధించాల్సిన అవసరం ఉందని తన సహచరులకు ధోని హితవు పలికాడు.

ఎంతో అభమానిస్తున్న అభిమానుల అంచనాలను అందుకుందామని చెప్పాడు ఇంకా ఎమన్నాడంటే తన మాటల్లోనే..'ఈ టోర్నీకి ముందు ఫేవరెట్ జట్టుగా బరిలో దిగాం. పొట్టి ఫార్మాట్లో రెండోసారి టైటిల్ను గెలవాలంటే ఇకనైనా మెరుగైన ఆటను కనబరచాలి. ఆస్ట్రేలియా వంటి పటిష్టమైన జట్టు గ్రూప్ లో ఉన్నందున అంచనాలకు తగ్గట్టు ఆడాల్సిన అవసరం ఉంది. విజయాలతో పాటు రన్ రేట్ను కాపాడుకోవాలి. సూపర్ -10 దశలో ఇంకా రెండు మ్యాచ్లు మిగిలి ఉండంతో ఆటగాళ్లు ఇకనైన మేల్కొంటారని భావిస్తున్నా.

న్యూజిలాండ్ తో జరిగిన తొలి గేమ్లో ఘోరంగా ఓటమి పాలు కావడంతో నెట్ రన్ రేట్ కూడా పడిపోయింది. మ్యాచ్లను గెలవడమే కాదు.. కొన్ని సమయాల్లో రన్ రేట్ కూడా ప్రధాన భూమిక పోషిస్తుంది. అందుచేత టీమిండియా జట్టు సభ్యులు రన్ రేట్ పై కూడా దృష్టి పెట్టండి' అని ధోని సూచించాడు. తాము ఆడబోయే తదుపరి రెండు మ్యాచ్ లు తమకు చాలా కీలకమైనందును గెలుపుకోసం పోరాడతామని ఒక ప్రశ్నకు సమాధానంగా చెప్పాడు.

మనోహర్