ధోనికి నేను ఫ్యాన్.. కానీ విరాట్ చాలా పాపులర్..

Posted: 03/14/2016 05:52 PM IST

టీమిండియా ఆటగాళ్లంటే ప్రపంచవ్యాప్తంగా భలే క్రేజందని మనకు తెలుసు. అందులోనూ ముఖ్యంగా టీమిండియా పరిమిత ఓవర్ల కెప్టెన్ మహేంద్ర సింగ్ దోని, టెస్టు కెప్టెన్ విరాట్ కోహ్లీ అంటే ఆ క్రేజుకు కొలమానం కూడా లేదు. అయితే ఇదంతా ప్రపంచవ్యాప్తంగానే కానీ దాయాధి పాకిస్తాన్ లో మాత్రం కాదనుకుంటే పోరబాటే. ఎందుకంటరా..? పాకిస్తాన్ మహిళా క్రికెటర్లకు అత్యంత పాపులర్ క్రికెటర్ ఎవరో తెలుసా?  టీమిండియా యువ బ్యాట్స్మన్ విరాట్ కోహ్లీ.! పాక్ మహిళ క్రికెట్ జట్టు కెప్టెన్ సనా మీర్ స్వయంగా ఈ విషయాన్ని చెప్పింది.

కాగా ఆమెకు మాత్రం టీమిండియా కెప్టెన్ మహేంద్ర సింగ్ ధోనీ ఫేవరెట్ క్రికెటరట. ఓ ఇంటర్వ్యూలో సనా ఆసక్తికరమైన విషయాలు వెల్లడించింది. 'మా జట్టులో మహిళా క్రికెటర్లకు విరాట్ కోహ్లీ పాపులర్ క్రికెటర్. నాకు మాత్రం ధోనీ ఫేవరెట్ క్రికెటర్.  ఎందుకంటే అతను భారత కెప్టెన్ కాబట్టి. మైదానంలో, బయటా ధోనీ ప్రవర్తన హుందాగా ఉంటుంది. జూనియర్లతో కూడిన జట్టును బలమైన టీమ్గా మార్చాడు' అని సనా చెప్పింది. పాకిస్తాన్ మహిళ క్రికెట్లో చాలా మార్పులు వస్తున్నాయని, క్రికెట్ కెరీర్గా ఎంచుకోవాలని చాలా మంది అమ్మాయిలు ఆసక్తి చూపుతున్నారని వెల్లడించింది.

జి.మనోహర్