వాళ్ల అట చూసిన తరువాత జట్టులోకి రావాలని వుంది..

Posted: 12/09/2015 04:45 PM IST

భారత్‌లో టీ-20, వన్డే సిరీస్ లలో రాణించిన దక్షిణాప్రికా జట్టు,, టెస్టు సిరీస్ లో మాత్రం చతికిలపడిపోవటం ఆ దేశ మాజీ కెప్టెన్ గ్రేమ్ స్మిత్ ను చాలానే బాధపెట్టింది. మళ్లీ టెస్టు జట్టులోకి రావాలని అన్నంతగా ఈ మాజీ కెప్టెన్ బాధపడ్డారట. తమ క్రికెటర్ల ఆట చూసిన తర్వాత తిరిగి అంతర్జాతీయ క్రికెట్ ఆడాలనే కోరిక తనలో పెరిగిందని గ్రేమ్ స్మిత్ అన్నాడు. ‘నా వయసు 34 ఏళ్లు. మరో మూడు నాలుగేళ్లు ఆడగల సత్తా నాలో ఉంది. మాస్టర్స్ చాంపియన్స్ లీగ్ ద్వారా పోటీ క్రికెట్‌లోకి వస్తున్నాను. అందులో నా ప్రదర్శనను అంచనా వేసుకున్నాక... మళ్లీ అంతర్జాతీయ క్రికెట్ ఆడతానేమో’ అని స్మిత్ అన్నాడు.

అయితే తొలి రెండు టెస్టులు ఓడినప్పటికీ నాల్గవది చివరిదైన టెస్టు మ్యాచ్ లో అమ్లా సహా జట్టు ఆటగాళ్లు మ్యాచ్ ను డ్రా చేసేందుకు పడిన కృఫిని కూడా ఆయన శ్లాఘించాడు. ప్రస్తుతం తాను మళ్లీ అంతర్జాతీయ టెస్టు క్రికెట్ లోకి రావాలా..? వద్దా..? అన్న సందిగ్ధావస్థలో వున్నానని చెప్పుకోచ్చాడు. అయితే ముందుగా మాస్టర్స్ క్రికెట్ లీగ్ లో మంచిగా రాణించిన తరువాత, శిక్షన తీసుకుని మళ్లీ జట్టులోకి రావాలని అశిస్తున్నట్లు తెలిపారు. గత ఏడాది మార్చిలో గ్రేమ్ స్మిత్ అంతర్జాతీయ క్రికెట్ కు వీడ్కోలు పలికిన విషయం తెలిసిందే

జి. మనోహర్