ఇండో-పాక్ సిరీస్ టెస్టు క్రికెట్ ఖ్యాతిని పెంచుతుంది

Posted: 09/11/2015 08:21 PM IST

Indo pak series will boost test cricket icc

దాయాధి దేశాల మధ్య జరగనున్న క్రికెట్ సిరీస్ టెస్టు సిరీస్ ఖ్యాతని, గౌరవాన్ని మరింత పెంపోందిస్తుందని అంతర్జీతీయ క్రికెట్ కౌన్సిల్ ప్రధాన కార్యనిర్వహాణాధికారి డేవ్ రిచ్చర్డ్ సన్ అశాభావం వ్యక్తం చేశారు. ఇరు దేశాల మధ్య భద్రత, రక్షణ ఇత్యాది ఒప్పందాలు కుదుర్చుకున్న పిమ్మట ఇరు దేశాల క్రికెట్ బోర్డుల అంగీకారం, అమోదం మేరకు జరగనున్న టెస్టు సీరిస్ క్రికెట్ గౌరవాన్ని మరింత పెంచడంతో పాటు.. ఆట దిశగా యువతరాన్ని ప్రోత్సహిస్తుందని కూడా ఆయన అభిప్రాయపడ్డారు. గతంలో కుదుర్చుకున్న ఓప్పందాల మేరకు ఇండియా పాకిస్థాన్ ల మధ్య రెండు టెస్టు సిరీస్ లను కుదర్చుకున్నట్లు సమాచారం.

అదీ కాకుండా గత ఏడాది పాకిస్తాన్ క్రికెట్ బోర్డు, భారత్ క్రికెట్ నియంత్రణ మండలి సభ్యులు భేటీ అయ్యి. 2023 వరకు ఆరు సిరీస్ లను ఆడాలని ఎం ఓ యు ఒప్పందాలు చేసుకున్నారు. యూఏఈలో పాకిస్థాన్ తో ఐదు వన్డేలు, రెండు టెస్టు మ్యాచ్ లతో పాటు ఒక టీ20ని కుదుర్చుకున్న నేపథ్యంలో ఆయన ఈ విషయమై స్పందించారు. అన్ని అంగీకారాలు పూర్తి చేసుకున్న తరువాత రెండు దాయాధి దేశాల మధ్య జరగనున్న టెస్టు సిరీస్ ఒక ఐకానిక్ సిరీస్ గా నిలుచిపోతుదని చెప్పారు. ఈ సిరీస్ ఖరారైతే చాలు.. దానికి మునుపెన్నడూ...ఏ సిరీస్ కు రానంత ప్రచారం వస్తుందని, ఆ ప్రచారం రెండు దేశాల్లోనే కాకుండా యావత్ ప్రపంచవ్యాప్తంగా జరుగుతుందని చెప్పారు. ఈ సిరీస్ ను వీక్షించేందుకు గతంలో ఎన్నడూ లేనంత మంది ప్రేక్షకులు ప్రత్యక్షంగా, పరోక్షంగా వీక్షిస్తారని రిచర్డ్ సన్ అభిప్రాయపడ్డారు.

జి. మనోహర్