శ్రీలంక టూర్ కు 23న భారత జట్టు ఎంపిక

Posted: 07/16/2015 06:17 PM IST

Indian squad for sri lanka tour to be picked on july 23

జింబాబ్వే పర్యటనలో మూడు వన్డేల సిరీస్‌ను టీమిండియా క్లీన్‌స్వీప్‌ చేసిన తరుణంలో శ్రీలంక పర్యటనలో జరగనున్న టెస్టు సీరీస్ కు బిసిసిఐ ఈ నెల 23న జట్టు సభ్యలను ప్రకటించనుంది. సందీప్ పాటిల్ నేతృత్వంలోని సెలక్షన్ కమిటీ ఇందుకోసం ఈ నెల 23న ఢిల్లీలో సమావేశం కానుంది. విరాట్ కోహ్లీ కెప్టెన్ గా పూర్తి స్థాయిలో జట్టును ఈ సిరీస్ లో బరిలోకి దిగే అవకాశం వుంది. శ్రీలంతో సీరీస్ లో భాగంగా భారత జట్టు మూడు టెస్టులను అడనుంది. ఆగస్టు 12న తొలి టెస్టు గాలేలో ప్రారంభం కానుండగా, రెండవ టెస్టు 20 నుంచి 24 వరకు , మూడవ టెస్టు ఆగస్టు 28 నుంచి సెప్టెంబర్ 1వ తేదీ వరకు కొలంబోలోని ఎస్ ఎస్ సి లో జరగనున్నాయి.

ఇందుకోసం ఈ నెల మూడున భారత జట్టు శ్రీలంక కు చేరుకుని వార్మ్ అప్ మ్యాచ్ లను ప్రాక్టీసు చేయనుంది. సెప్టెంబర్ 2న భారత జట్టు తిరిగి స్వదేశానికి చేరుకోనుంది. కెప్టెన్ విరాట్ కోహ్లీతో పాటు శిఖార్ ధావన్, రోహిత్ వర్మ, అజింక్యా రహానేలతో పాటు మరెవరికి స్థానం లభించనుందో..? చాలా కాలం తరువాత టీమిండియాలో చేరిన హర్భజన్ సింగ్ తన స్థానాన్ని పధిలపర్చుకుంటాడా..? లేదా అన్నది కూడా తేలాల్సి వుంది. జింబాబ్వే పర్యటనలో సీనియర్లు లేకుండానే బరిలో దిగిన భారత్ జట్టు క్లీన్ స్వీప్ చేయడంతో దోహదపడిన తెలుగుతేజం అంబటి రాయుడు, బౌలింగ్ తో పాటు బ్యాటింగ్ లోనూ ప్రతిభ కనబర్చని స్టవర్ట్ బిన్ని, కేదార్ జాదవ్, మనీష్ పాండేలకు కూడా ఈ తుది జాబితాలో స్థానం లభిస్తుందా..? లేదా అన్న అంశాన్ని వేచి చూడాల్సిందే.

జి మనోహర్