భారత.. భంగ్లాదేశ్ తొలి వన్డేకు తప్పని వరుణ గండం..?

Posted: 06/17/2015 08:39 PM IST

టీమిండియా బంగ్లాదేశ్‌ల మధ్య జరుగుతున్న మూడు మ్యాచ్ ల వన్డే సిరీస్ కు రేపు తెర లేవనుంది. ఇటీవల ముగిసిన ఏకైక టెస్టు మ్యాచ్‌లో స్పష్టమైన ఆదిపత్యాన్ని కనబర్చిన టీమిండియా ఇటు వన్డే సీరీస్ నైనా సోంతం చేసుకోవాలని ఉవ్విళ్తూరుతుంది. మర్చి 29న ప్రపంచ కప్ క్రికెట్ టోర్నమెంటులో అస్ట్రేలియా చేతిలో సెమి ఫైనల్స్ ఓడిపోయిన టీమిండియా.. మళ్లీ ఇన్నాళ్లకు వన్డే మ్యాచ్ లలో తలపడుతోంది. ప్రపంచ కప్ లో ఓటమితో ఐసిసి ర్యాకింగ్స్ లో రెండవ స్థానంలో కొనసాగుతున్న టీమిండియా.. బంగ్లాదేశ్ తో జరిగే మూడు వన్డే సీరిస్ లతో తమ ర్యాంకును మెరుగుపర్చుకోవాలనుకుంటోంది.

అయితే రేపు ( గురువారం) బంగ్లాదేశ్ లోని మిర్పూర్ లోగల షేరే బంగ్లా జాతీయ స్టేడియంలో జరగనున్న తొలి వన్డేకు వరుణుడు అడ్డంకిగా నిలుస్తాడన్న భయాందోళన వ్యక్తమవుతుంది. మన దేశంలోని దక్షిణాది రాష్ట్రాలతో మాదరిగానే బంగ్లాదేశ్ లో కూడా రుతుపవనాల సీజన్ కావడంతో రేపు కూడా వరుణుడు అడ్డంకిగా నిలుస్తాడని, వరుణ గండం తప్పదని వార్తులు వ్యక్తమవుతున్నాయి. బంగ్లాదేశ్ వాతావరణ శాఖ రేపు మిర్పూర్ ప్రాంతంలో ఓ మెస్తారు నుంచి భారీగా వర్షాలు కురుస్తాయని హెచ్చరికలు జారీ చేయడంతో తొలి వన్డే కూడా వర్షార్పణం అవుతుందా..? అన్న అనుమానాలు అభిమానుల నుంచి వ్యక్తమవుతున్నాయి.

జి. మనోహర్