రెండు కోట్లు తక్కువ పన్ను కట్టిన ధోనీ

Posted: 03/28/2014 06:42 PM IST

టిమిండియా కెప్టెన్  మహేంద్ర సింగ్  ధోని  రెండుకోట్లు తక్కువ పన్ను కట్టారు. అంటే గతం సంవత్సరంతో పోల్చుకుంటే  ఈ సంవత్సరం రెండు కోట్లు రూపాయల  పన్ను కట్టారు. భారత క్రీడారంగంలో ధనార్జనలో టీమిండియా కెప్టెన్ మహేంద్ర సింగ్ ధోనీయే టాప్. 

ప్రతి ఏటా సకాలంలో ఆదాయపు పన్ను చెల్లించడంలోనూ మహీ ముందుంటాడు. 2013-14 ఆర్థిక సంవత్సరానికిగాను ధోనీ 20 కోట్ల రూపాయిల పన్ను కట్టాడు. ఓ సీనియర్ ఆదాయపన్ను శాఖ అధికారి ఈ విషయాన్ని ధ్రువీకరించారు.

బీహార్, జార్ఖండ్ రాష్ట్రాల్లో వ్యక్తిగతంగా అత్యధిక ఆదాయపన్ను చెల్లిస్తున్నది ధోనీయే. వరుసగా ఆరో ఏడాది కూడా అత్యధిక పన్ను కట్టిన వ్యక్తిగా నిలిచాడు. మహీ గతేడాది 22 కోట్ల పన్ను కట్టాడు. కాగా ఈ ఏడాది రెండు కోట్లు తక్కువగా చెల్లించాడు. భారత కెప్టెన్ ఆదాయం కాస్త తగ్గిఉండొచ్చని ఐటీ వర్గాలు తెలిపాయి. వ్యాపార ప్రకటనల్లో నటించడం ద్వారా ధోనీకి ఎక్కువగా ఆదాయం సమకూరుతోంది.

ఆర్ఎస్