ముంబయి గెలిచి, సచిన్ ని నిలుపుతుందా ?

Posted: 10/02/2013 01:20 PM IST

ఛాపింయన్స్ లీగ్ టి20లో చావుదప్పి కన్ను లొట్టబొయినట్లు గ్రూపు ఏలో ఒటాగో జట్టు రాజస్థాన్ జట్టు చేతిలో ఓడటంతో తన లక్కుకొద్ది సెమీస్ ఆశలను ఇంకా సజీవంగా ఉంచుకున్న ముంబయి ఇండియన్స్ జట్టు నేడు ‘పెర్త్ స్కార్చర్స్ ’ తో ఢీ కొన భోతుంది. ఈ మ్యాచ్ లో ముంబయి తప్పక గెలవాల్సిన అవసరం ఉంది. ప్రస్తుతం పాయింట్ల పట్టికలో నాలుగోస్థానంలో ఉన్న ముంబయి ఇండియన్స్ గెలిస్తే ఒటాగోతో సమానంగా పాయింట్లు సాధిస్తుంది. అప్పుడు నెట్ రన్ రేట్ ఆధారంగా సెమీస్ కు అవకాశాలు ఉంటాయి.

రన్ రేట్ విషయంలో ముంబయి కన్నా ఒటాగో మెరుగైన స్థితిలో ఉంది. కాబట్టి నేడు జరిగే మ్యాచ్ లో పెర్త్ ను ఎక్కువ రన్ రేటుతో ఓడిస్తేనే ముంబయికి అవకాశాలు ఎక్కువగా ఉంటాయి. ఇప్పటికే లీగ్ నుండి నిష్క్రమించిన పెర్త్ ఎలాగైనా ముంబయిని ఓడించి స్వదేశం చేరాలని గట్టి పట్టుదలతో ఉంది. మరి మాస్టర్ కోసం అయినా ఛాంపియన్స్ లీగ్ టి20 కప్ ని సాధిస్తామని చెప్పిన ఆ జట్టు కెప్టెన్ రోహిత్ శర్మ ఈ రోజు రాణించే దానిని బట్టి తెలుస్తుంది. ఒకవేళ ముంబయి ఓడిపోతే నేటితో పరిమిత ఓవర్ల క్రికెట్ లో సచిన్ శకం ముగిసినట్లే అవుతుంది. చూద్దాం సచిన్ ని మరో రెండు మూడు మ్యాచ్ ల్లోనైనా ఆడేటట్లు చేసి అభిమానులను అలరిస్తారా ? లేక నేటితో సచిన్ ని సాగనంపుతారా అనేది మరికొన్ని గంటల్లో తేలిపోనుంది.