బోల్ట్ మరో రికార్డు

Posted: 08/19/2013 12:00 PM IST

ప్రపంచ అథెటిక్ ఛాంపియన్ షిప్ టోర్నీకి జమైకా చిరుత ఉసేన్ బోల్డ్ గ్రాండ్ గా ముగింపు పలికాడు, చివరి రోజున జరిగిన 400 మీటలర్ల పురుషుల పరుగు పందెం రిలే పోటీలో ఉసేన్ బోల్ట్ సభ్యుడిగా ఉన్న జమైకా బృందం 37.36 సెకన్లలో గమ్యానికి చేరి స్వర్ణ పతకాన్ని సొంతం చేసుకుంది. నికెల్ నుంచి చివరగా బ్యాటన్‌ను అందుకున్న బోల్ట్ ఎప్పటిలాగే వాయువేగంతో పరిగెత్తాడు. జస్టిన్ గాట్లిన్ (అమెరికా) నుంచి కాస్త పోటీ ఎదురైనా బోల్ట్ చివర్లో వేగం పెంచాడు. దాంతో జమైకా జట్టుకు స్వర్ణం ఖాయమైంది. ఆతిథ్య దేశం రష్యా అత్యధికంగా ఏడు స్వర్ణ పతకాలతో టాప్ ర్యాంక్‌ను సొంతం చేసుకుంది. అమెరికా, జమైకా ఆరేసి స్వర్ణాలు సాధించాయి. అయితే ఎక్కువ రజతాలు నెగ్గిన అమెరికాకు రెండో స్థానం లభించగా... జమైకా మూడో స్థానంలో నిలిచింది. 100 మీటర్లు, 200 మీటర్ల పందెంలో స్వర్ణాలు సొంతం చేసుకున్న బోల్డ్ 4 X 100 మీటర్ల పందెలు కూడా నెగ్గి మూడు స్వర్ణాలను తన ఖాతాలో వేసుకున్నాడు. ఈ స్వర్ణాలు సాధించడంతో బోల్డ్ అరుదైన ఘనత సాధించాడు. ప్రపంచ ఛాంపియన్ ఫిప్ లో 8 స్వర్ణాలు నెగ్గిన దిగ్గజ అథ్లెట్ కార్ల్ లూయిస్, మైకేల్ జాన్సన్, అలిసన్ ఫిలిక్స్ ల సరసన చేరాడు. 2009 ప్రపంచ ఛాంపియన్ షిప్ లో 100 మీ, 200 మీ,  4 X 100 , 2011 లో 200 మీ,  4 X 100 స్వర్ణాలు, ఇప్పుడు  100 మీ, 200 మీ,  4 X 100  స్వర్ణాలు సాధించాడు. మరో వైపు ఆగ జమైకా చిరుతలు కూడా స్వర్ణాలు సాధించి రికార్డుకెక్కారు.