రాయుడికి లక్కీ ఛాన్స్

Posted: 07/02/2013 11:32 AM IST

మన తెలుగు తేజం అంబటి రాయుడికి అద్రుష్టం తలుపు తట్టింది. విండీస్ లో జరుగుతున్న ట్రై సిరీస్ లో రాయుడికి జట్టులో స్థానం లభించింది. భారత కెప్టెన్ ఎంఎస్ ధోని మొదటి మ్యాచ్ లో గాయం పాలయ్యాడు. కండరాల నొప్పితో బాధ పడుతున్న అతను ఆ తర్వాత జట్టు ఫీల్డింగ్ సమయంలోనూ మైదానంలోకి దిగలేదు. ఆ గాయం బాధిస్తుండటంతో ఈయన ట్రై సిరీస్ నుండి తప్పుకున్నాడు. దీంతో రాయుడుకి పిలుపు వచ్చింది. దీంతో రాయుడు త్వరలో జట్టు సభ్యులతో కలవనున్నాడు. ముక్కోణపు టోర్నీలోని మిగిలిన మ్యాచ్‌లకు విరాట్ కోహ్లి కెప్టెన్‌గా వ్యవహరిస్తాడని కూడా బోర్డు వెల్లడించింది. గతంలో ఇంగ్లాండ్ తో జరిగిన మ్యాచ్ లకు రాయుడు ఎంపికయినా, అతనికి తుది జట్టుస్థానం దక్కలేదు. మరి ఈసారి వచ్చిన అవకాశాన్ని ఏ మేరకు సద్వినియోగం చేసుకుంటాడో చూడాలి.