సెమీల్ భారత్, దాయాదులతో పోరు అంతంత మాత్రమే

Posted: 06/12/2013 11:00 AM IST

 

 

 

ఈ టోర్నీతో ఛాంపియన్స్ ట్రోఫికి మంగళం పాడనున్నారు. మినీ వరల్డ్ కప్ గా భావించే ఈ టోర్నీ చివరిది కావడంతో ఎలాగైనా దక్కించుకోవాలనే కసితో భారత్ జోరు కొనసాగిస్తుంది. ఇంగ్లాండ్ లో ఆల్ రౌండ్ షోతో అదరగొడుతుంది. ఇప్పటి వరకు జరిగిన రెండు మ్యాచ్ ల్లో ఘన విజయం సాధించి, మరో మ్యాచ్ మిగిలి ఉండగానే సెమీస్ చేరినా, మరో వైపు దాయాదులతో జరిగే పోరును రసవత్తరంగా లేకుండా చేసింది. నిన్నరాత్రి వెస్టిండిస్ తో జరిగిన మ్యాచ్ లో అద్భుతమైన ఆటతీరును ప్రదర్శించి ఘన విజయం సాధించింది.

మొదట టాస్ గెలిచి ఫీల్డింగ్ ఎంచుకున్న ధోని, విండీస్ ను బ్యాటింగ్ కు ఆహ్వానించాడు. మొదట బ్యాటింగ్ చేసిన విండీస్ జట్టు నిర్ణీత 50 ఓవర్లలో తొమ్మిది వికెట్లు కోల్పోయి 233 పరుగులు చేసింది. భారత బౌలర్ రవీంద్ర జడేజా ధాటికి (5-33) ధాటికి విండీస్ చేతులెత్తేసింది. చార్లెస్ (60), డారెన్ సామీ (56 నాటౌట్), డారెన్ బ్రావో (35) రాణించడంతో ఆ మాత్రం స్కోరు చేయగలిగింది. తరువాత అతి కష్టం కాని ఈ లక్ష్యాన్ని చేధించడానికి బరిలోకి దిగిన భారత్, ఓపెనర్లు రోహిత్ శర్మ (52), శిఖర్ ధవన్ (107 బంతుల్లో 10 ఫోర్లు, సిక్సర్‌తో 102 నాటౌట్) శతక్కొట్టడంతో మరో 10 ఓవర్లు మిగిలి ఉండగానే విండీస్ పై విజయాన్ని సొంతం చేసుకుంది. కెరియర్లో బెస్ట్ బౌలింగ్ చేసిన రవీంద్ర జడేజాకు మ్యాన్ ఆఫ్ ద మ్యాచ్ అవార్డు లభించింది.  దీంతో గ్రూప్ టాపర్‌గా భారత్ (4) సెమీస్‌లోకి ప్రవేశించింది. ఇదే గ్రూప్‌లోని పాక్ రెండు వరుస పరాజయాలతో ఇప్పటికే రేసు నుంచి వైదొలగగా, మరో బెర్తు కోసం దక్షిణాఫ్రికా (2), విండీస్ (2) పోటీపడుతున్నాయి.