రాజస్థాన్ పై ‘సన్ రైజింగ్ ’

Posted: 05/18/2013 11:13 AM IST

హైదరాబాద్ సన్ రైజర్స్ జట్టు మరో అద్బుత విజయం సాధించింది. సొంత మైదానం సెంటిమెటు బాగా కలిసి వచ్చింది. తక్కువ స్కోరు చేసినా, బౌలింగ్ లో రాణించి ప్లే ఆఫ్ కు మరింత చేరువైంది. నిన్న రాజస్థాన్ రాయల్స్ లో జరిగిన మ్యాచ్ లో 23 పరుగుల తేడాతో విజయం సాధించింది. బ్యాటింగ్ లో విఫలం అయినా, ప్రధాన బలం అయిన బౌలింగ్ లో సత్తాసాటి విజయాన్ని తన ఖాతాలో వేసుకున్నారు. టాస్ గెలిచి బ్యాటింగ్ ఎంచుకున్న హైదరాబాద్ జట్టు ప్రేక్షకులు సీట్లలో సర్దుకోక ముందే తొలి ఆరు ఓవర్లలో మూడు కీలక వికెట్లు కోల్పోయింది. స్టేడియంలోకి వచ్చిన ప్రేక్షకులు ఈసారి కూడా హైదరాబాద్ తన సొంత మైదానంలో ఓడిపోవడం ఖాయం అనుకున్నారు. కానీ సమంత్రై అద్భుత బ్యాటింగ్‌తో ఒంటిరి పోరాటం చేసి వ్యక్తిగత (55) పరుగులు, విహారీ (19), నమోదు చేసి జట్టును గౌరవప్రదమైన స్థానానికి (136) చేర్చారు. మిగతా బ్యాట్స్ మెన్ప్ ఇలా వచ్చి అలా వెళ్లి పోవడంతో భారీ స్కోరును సాధించడంలో విఫలం అయింది. ఇప్పటికే ప్లేఆఫ్ లో బెర్త్ ఖాయం చేసుకున్న రాజస్థాన్ మంచి ఊపులో ఉండటంతో విజయం సునాయాసమే అనుకున్నారు. రాజస్థాన్‌కు ఓపెనర్లు రాహుల్‌ ద్రవిడ్‌ (25), రహనే (12) శుభారంభాన్నే ఇచ్చారు కానీ మిడిలార్డర్‌లో వాట్సన్‌ (11), ఆఖరులో కూపర్‌ (26) మినహా మిగతా వారంతా పదిలోపు పరుగులకే పరిమితం కావడంతో లక్ష్యాన్ని చేరుకోవడం రాయల్స్‌కు పెద్ద కష్టంగా మారింది. సమస్టిగా రాణించిన హైదరాబాద్‌ బౌలర్లు స్టెయిన్‌, కరణ్‌ శర్మ, అమిత్‌ మిశ్రా, పెరెరా (చెరో రెండు వికెట్లు) ఇలా అందరూ సమానంగానే వికెట్లు పడగొట్టడంతో నిర్ణీత 20 ఓవర్లు ఎదుర్కొన్న రాయల్స్‌ 113 పరుగులకే 9 వికెట్లు కోల్పోయింది. దీంతో హైదరాబాద్ జట్టు ఘన విజయం సాధించింది. అసలే ఫిక్సింగ్ ఆపరోపణల్లో రాజస్థాన్ జట్టుకు ఈ ఓటమితో మరో దెబ్బ తగిలినట్లైయింది.