రాజస్థాన్ ని ఓడించిన బెంగుళూరు

Posted: 04/21/2013 02:43 PM IST

ఈ ఐపీఎల్ సీజన్స్ అనూహ్య విజయాలు సాధిస్తూ, గత మ్యాచ్ లో తన రాజసంతో ముంబయిని చిత్తు చేసిన రాజస్థాన్ రాయల్స్ నిన్న బెంగుళూరుతో జరిగిన మ్యాచ్ లో పరాజయం పాలైంది. చిన్నస్వామి స్టేడియంలో జరిగిన మ్యాచ్ లో ఏడు వికెట్ల తేడాతో రాజస్థాన్ రాయల్స్ ని ఓడించింది. ముందుగా బ్యాటింగ్ చేసిన రాజస్థాన్ రాయల్స్ నిర్ణీత 20 ఓవర్లకు గాను 19.4 ఓవర్లు మాత్రమే ఆడి 117 స్వల్ప స్కోరుకే చాప చుట్టేసింది. . కెప్టెన్ రాహుల్ ద్రవిడ్ (31 బంతుల్లో 35; 5 ఫోర్లు), స్టువర్ట్ బిన్నీ (20 బంతుల్లో 33; 4 ఫోర్లు; 1 సిక్స్) మినహా ఎవరూ రాణించలేకపోయారు. బెంగుళూరు బౌలర్ల ధాటికి రాజస్థాన్ రాయల్స్ బ్యాట్స్ మెన్స్ పెవీలియన్ కి క్యూ కట్టారు.  అనంతరం స్వల్ప లక్ష్యాన్ని చేధించడానికి బరిలోకి దిగిన బెంగుళూరు కు ఓపెనర్  క్రిస్ గేల్ (44 బంతుల్లో 49 నాటౌట్; 4 ఫోర్లు; 1 సిక్స్) , దిల్షాన్ (22 బంతుల్లో 25; 5 ఫోర్లు) చక్కటి ఆరంభాన్ని ఇవ్వడంతో విజయాన్ని అవలోకగా సాధించింది. బెంగళూరు బౌలర్ అయిన వినయ్‌కుమార్‌కు మ్యాన్ ఆఫ్ ద మ్యాచ్ అవార్డు లభించింది.