Posted: 12/28/2012 10:34 AM IST

మహేంద్రసింగ్ ధోని...అనతి కాలంలోనే భారత జట్టులో రాణించి జట్టు కెప్టెన్ గా బాధ్యతలు చేపట్టి, జట్టుకు ఎన్నో విజయాలు అందించడంతో పాటు, రెండు ప్రపంచకప్ లు అందించిన ఘనత మహేంద్ర సింగ్ ధోనిది. కానీ అది మొన్నటి వరకు. కానీ పరిస్థితి మారిపోయింది. ఒకప్పుడు ధోనిని ఆకాశానికి ఎత్తిన వారే ఇప్పడు విమర్శిస్తున్నారు. కారణం గత కొన్ని రోజులుగా భారత జట్టు పరాజయాల పాలవ్వడమే. వాటి ఎఫెక్టు ధోని కెప్టెన్సీకే ఎసరు తెచ్చిపెట్టింది  ఇప్పుడు ధోనిని కెప్టెన్సీ నుండి తప్పించాలని పలువురు విమర్శించమే కాకుండా, టెస్టు కెప్టెన్సీ నుండి ధోనిని కొనసాగించాలా వద్ద అన్న ఆలోచనలో పడ్డ సెలక్టర్లు... ఇంగ్లాండ్ టెస్ట్ సిరీస్ ఓటమి పై తమ అసంత్రుప్తిని వ్యక్తం చేసినట్లు సమాచారం. కాగా వన్డే కెప్టెన్ గా 2015 వరకు ధోనినే కొనసాగించాలని భావించిన వారు ప్రపంచకప్ కి సన్నద్దం కావాలని, ఆటగాళ్ళను గుర్తించాల్సిందిగా సెలక్టర్లు చెప్పినట్లు సమాచారం. అయితే టెస్టు కెప్టెన్సీ పై మాత్రం ధోనికి ఎటువంటి భరోసా ఇవ్వలేదని తెలుస్తుంది. ఇక రానున్న పాకిస్థాన్, ఇంగ్లాండ్, ఆస్ట్రేలియా సిరీస్ ల ప్రదర్శన మీద ధోని కెప్టెన్సీ ఆధారపడి ఉంటుందని బీసీసీఐ వర్గాలు తెలిపాయి. మరో వైపు క్లోచ్ ప్లెచర్ కి ఉద్వాసన పలికి అతని స్థానంలో కొత్త వారిని తీసుకునే ఆలోచనలో ఉన్నట్లు స్ఫష్టంగా తెలుస్తుంది.