Posted: 12/28/2012 07:10 PM IST

పాకిస్టాన్ తో రెండు టి20 మ్యాచ్ ల సిరీస్ లో భాగంగా నేడు భారత్ అహ్మదాబాద్ లో రెండో టి20 ఆడుతుంది. ఇందులో భాగంగా మొదట టాస్ గెలిచి ఫీల్డింగ్ ఎంచుకున్న పాకిస్థాన్ బౌలర్లకు భారత బ్యాట్స్ మెన్స్ చుక్కలు చూపించారు. చాలా రోజుల తరువాత మనవాళ్ల బ్యాటింగ్ పవరేంటో మరో సారి తెలియజెప్పారు. ఓపెనర్స్ బ్యాట్స్ మెన్స్ గంభీర్, రహానేలు చక్కని ఓపెనింగ్ ఇచ్చారు. గంభీర్ 21 పరుగులు, రహానే 28 పరుగులు చేసి అవుటయ్యారు. తరువాత వచ్చిన యువరాజ్ సింగ్, ధోనిలు పాకిస్థాన్ బౌలర్లకు చుక్కలు చూపించారు. యువరాజ్ 36 బంతుల్లో 72 పరుగులు చేయగా, ధోని అతనికి చక్కని సహారం అందించి 33 పరుగులు చేసి అవుటయ్యాడు. ఇక నిర్ణీత 20 ఓవర్లు ముగిసే సరికి భారత్ 192 పరుగులు ఐదు వికెట్లు కోల్పోయి చేసింది. ఇక పాక్ ముందు 193 పరుగుల విజయ లక్ష్యాన్ని ఉంచింది.

193 పరుగుల విజయ లక్ష్యంతో బరిలో దిగిన పాక్ కూడా ధీటుగానే ఆడుతుంది. కడపటి వార్తలు అందేసరికి పాక్ 5 ఓవర్లలో వికెట్లేమి కోల్పోకుండా 45 పరుగులు చేసింది.